2025-ലെ ഏറ്റവും പുതിയ വിവരമനുസരിച്ച് IRCC വിവിധ അപേക്ഷകളുടെ നടപടിക്രമങ്ങൾ പൂർത്തിയാക്കുന്നതിനുള്ള സമയപരിധി പ്രഖ്യാപിച്ചു. വിസിറ്റിങ് വിസ, പെർമനന്റ് റെസിഡൻസി (PR), കനേഡിയൻ പൗരത്വം, പാസ്പോർട്ട് എന്നിവയ്ക്കുള്ള സമയക്രമം താഴെ പറയുന്നവയാണ്.
അപേക്ഷകരുടെ എണ്ണവും IRCC-യുടെ കാര്യക്ഷമതയും അനുസരിച്ച് ഈ സമയങ്ങളിൽ മാറ്റങ്ങൾ വന്നേക്കാം. 80% അപേക്ഷകളും പറഞ്ഞിട്ടുള്ള സമയത്തിനുള്ളിൽ തന്നെ പൂർത്തിയാക്കാനാണ് IRCC ലക്ഷ്യമിടുന്നത്. താത്കാലിക വിസകൾക്കും പി.ആർ കാർഡുകൾക്കും ആഴ്ചതോറും അപ്ഡേറ്റുകൾ ലഭ്യമാണ്. അതേസമയം, പൗരത്വം, പി.ആർ, ഫാമിലി സ്പോൺസർഷിപ്പ് അപേക്ഷകൾക്ക് പ്രതിമാസ അപ്ഡേറ്റുകളാണ് ലഭിക്കുക.
പൗരത്വ അപേക്ഷകളുടെ സമയപരിധി (പ്രതിമാസം അപ്ഡേറ്റ് ചെയ്യുന്നു)
കനേഡിയൻ പൗരത്വം എന്ന സ്വപ്നം കാണുന്നവർക്ക് അപേക്ഷാ നടപടികൾ മനസ്സിലാക്കുന്നത് പ്രധാനമാണ്. ജൂലൈ 2, 2025 വരെയുള്ള അപ്ഡേറ്റുകൾ ഇതാ:
പൗരത്വം ലഭിക്കാൻ (Citizenship Grant): 10 മാസം (മാറ്റമില്ല)
പൗരത്വ സർട്ടിഫിക്കറ്റ് (Citizenship Certificate): 5 മാസം (മാറ്റമില്ല)
പൗരത്വം പുനഃസ്ഥാപിക്കാൻ (Resumption of Citizenship): വിവരങ്ങൾ ലഭ്യമല്ല (മാറ്റമില്ല)
പൗരത്വം ഉപേക്ഷിക്കാൻ (Renunciation of Citizenship): 7 മാസം (മാറ്റമില്ല)
പൗരത്വ രേഖകൾക്കായി തിരയൽ (Search of Citizenship Records): 15 മാസം (മാറ്റമില്ല)
പ്രധാന മുന്നറിയിപ്പ്: 2025 മെയ് 19-ന് മുമ്പ് പൗരത്വത്തിന് അപേക്ഷിച്ചവർക്ക് ഉടൻ തന്നെ അക്നോളജ്മെൻ്റ് ഓഫ് റിസീപ്റ്റ് (AOR) ലഭിച്ചേക്കാം. കാനഡയ്ക്ക് പുറത്തുനിന്നോ യു.എസിൽ നിന്നോ അപേക്ഷിക്കുന്നവർക്ക് അധിക പരിശോധന കാരണം കാലതാമസമുണ്ടാകാൻ സാധ്യതയുണ്ട്.
പി.ആർ കാർഡ് പ്രോസസ്സിംഗ് സമയം (പ്രതിവാരം അപ്ഡേറ്റ് ചെയ്യുന്നു)
പുതിയ അപേക്ഷകർക്കും കാർഡ് പുതുക്കുന്നവർക്കും പി.ആർ കാർഡ് അനിവാര്യമാണ്. അപേക്ഷകരുടെ എണ്ണം കൂടൂന്നത് കാരണം പ്രോസസ്സിംഗ് സമയത്തിൽ നേരിയ വർധനവുണ്ടായിട്ടുണ്ട്. ജൂലൈ 2, 2025-ലെ ഏറ്റവും പുതിയ അപ്ഡേറ്റ്:
പുതിയ പി.ആർ കാർഡ്: 48 ദിവസം (കഴിഞ്ഞ ആഴ്ചയെ അപേക്ഷിച്ച് 2 ദിവസം കുറഞ്ഞു)
പി.ആർ കാർഡ് പുതുക്കൽ: 20 ദിവസം (കഴിഞ്ഞ ആഴ്ചയെ അപേക്ഷിച്ച് 2 ദിവസം കൂടി)
പ്രധാന നിർദ്ദേശം: അപൂർണ്ണമായ അപേക്ഷകളാണ് കാലതാമസത്തിന് പ്രധാന കാരണം. അതിനാൽ, അപേക്ഷ സമർപ്പിക്കുന്നതിന് മുമ്പ് എല്ലാ രേഖകളും കൃത്യമാണെന്ന് ഉറപ്പാക്കുക.
ഫാമിലി സ്പോൺസർഷിപ്പ് സമയപരിധി (പ്രതിമാസം അപ്ഡേറ്റ് ചെയ്യുന്നു)
കുടുംബാംഗങ്ങളെ കാനഡയിലേക്ക് കൊണ്ടുവരുന്നത് സൂക്ഷ്മമായ ആസൂത്രണം ആവശ്യമാണ്. പ്രത്യേകിച്ച് ക്യുബെക്കിലേക്കുള്ള അപേക്ഷകൾക്ക് പ്രവിശ്യാ നിയമങ്ങൾ കാരണം കൂടുതൽ സമയമെടുക്കും. ജൂലൈ 2, 2025-ലെ വിവരങ്ങൾ:
പങ്കാളിയെ/കോമൺ-ലോ പങ്കാളിയെ സ്പോൺസർ ചെയ്യാൻ (കാനഡയ്ക്ക് പുറത്ത്, ക്യുബെക്ക് അല്ലാത്ത സ്ഥലങ്ങളിലേക്ക്): 11 മാസം (മാറ്റമില്ല)
പങ്കാളിയെ/കോമൺ-ലോ പങ്കാളിയെ സ്പോൺസർ ചെയ്യാൻ (കാനഡയ്ക്ക് പുറത്ത്, ക്യുബെക്കിലേക്ക്): 38 മാസം (1 മാസം വർദ്ധിച്ചു)
മാതാപിതാക്കളെയും മുത്തശ്ശീ,മുത്തശ്ശന്മാരെയും സ്പോൺസർ ചെയ്യാൻ (ക്യുബെക്ക് അല്ലാത്ത സ്ഥലങ്ങളിലേക്ക്): 36 മാസം (മാറ്റമില്ല)
മാതാപിതാക്കളെയും മുത്തശ്ശീ,മുത്തശ്ശന്മാരെയും സ്പോൺസർ ചെയ്യാൻ (ക്യുബെക്കിലേക്ക്): 48 മാസം (മാറ്റമില്ല)
കനേഡിയൻ പാസ്പോർട്ട് അപേക്ഷയുടെ സമയപരിധി (ജൂലൈ 2, 2025-ൽ അപ്ഡേറ്റ് ചെയ്തത്)
യാത്രയ്ക്കും തിരിച്ചറിയലിനും പാസ്പോർട്ട് അത്യാവശ്യമാണ്.
പുതിയ പാസ്പോർട്ട് (നേരിട്ട് അപേക്ഷിക്കുമ്പോൾ): 10 പ്രവൃത്തി ദിവസങ്ങൾ (മാറ്റമില്ല)
പുതിയ പാസ്പോർട്ട് (തപാലിൽ അയയ്ക്കുമ്പോൾ): 20 പ്രവൃത്തി ദിവസങ്ങൾ (മാറ്റമില്ല)
അടിയന്തരമായി എടുക്കാൻ: അടുത്ത പ്രവൃത്തി ദിവസത്തിനകം
എക്സ്പ്രസ്സ് വഴി എടുക്കാൻ: 2–9 പ്രവൃത്തി ദിവസങ്ങൾ
താത്കാലിക റെസിഡൻ്റ് വിസകൾ (പ്രതിവാരം അപ്ഡേറ്റ് ചെയ്യുന്നു)
വിസിറ്റിങ് വിസ, സ്റ്റഡി പെർമിറ്റ്, വർക്ക് പെർമിറ്റ് എന്നിവയുടെ സമയപരിധി ഓരോ രാജ്യത്തിനും അപേക്ഷയുടെ തരത്തിനും അനുസരിച്ച് വ്യത്യാസപ്പെടും. ജൂലൈ 16, 2025-ലെ വിവരങ്ങൾ:
വിസിറ്റിങ് വിസ (കാനഡയ്ക്ക് പുറത്ത് നിന്ന്):
ഇന്ത്യ: 29 ദിവസം (1 ദിവസം വർദ്ധിച്ചു)
അമേരിക്ക: 20 ദിവസം (1 ദിവസം കുറഞ്ഞു)
നൈജീരിയ: 49 ദിവസം (7 ദിവസം കുറഞ്ഞു)
പാകിസ്ഥാൻ: 39 ദിവസം (3 ദിവസം വർദ്ധിച്ചു)
ഫിലിപ്പീൻസ്: 31 ദിവസം (2 ദിവസം കുറഞ്ഞു)
സൂപ്പർ വിസ (മാതാപിതാക്കൾക്ക്/മുത്തശ്ശീ,മുത്തശ്ശന്മാർക്ക്):
ഇന്ത്യ: 91 ദിവസം (3 ദിവസം വർദ്ധിച്ചു)
അമേരിക്ക: 73 ദിവസം (7 ദിവസം കുറഞ്ഞു)
നൈജീരിയ: 63 ദിവസം (മാറ്റമില്ല)
പാകിസ്ഥാൻ: 159 ദിവസം (18 ദിവസം കുറഞ്ഞു)
ഫിലിപ്പീൻസ്: 99 ദിവസം (4 ദിവസം വർദ്ധിച്ചു)
സ്റ്റഡി പെർമിറ്റ് (കാനഡയ്ക്ക് പുറത്ത് നിന്ന്):
ഇന്ത്യ: 3 ആഴ്ച (മാറ്റമില്ല)
നൈജീരിയ: 5 ആഴ്ച (മാറ്റമില്ല)
പാകിസ്ഥാൻ: 11 ആഴ്ച (മാറ്റമില്ല)
ഫിലിപ്പീൻസ്: 9 ആഴ്ച (1 ആഴ്ച കുറഞ്ഞു)
സ്റ്റഡി പെർമിറ്റ് (കാനഡയ്ക്കുള്ളിൽ നിന്ന്): 11 ആഴ്ച (1 ആഴ്ച കുറഞ്ഞു)
വർക്ക് പെർമിറ്റ് (കാനഡയ്ക്ക് പുറത്ത് നിന്ന്):
ഇന്ത്യ: 6 ആഴ്ച (1 ആഴ്ച കുറഞ്ഞു)
നൈജീരിയ: 9 ആഴ്ച (3 ആഴ്ച കുറഞ്ഞു)
പാകിസ്ഥാൻ: 5 ആഴ്ച (മാറ്റമില്ല)
ഫിലിപ്പീൻസ്: 6 ആഴ്ച (മാറ്റമില്ല)
വർക്ക് പെർമിറ്റ് (കാനഡയ്ക്കുള്ളിൽ നിന്ന്, പുതുക്കലുകൾ ഉൾപ്പെടെ): 181 ദിവസം (1 ദിവസം കുറഞ്ഞു)
പ്രധാനപ്പെട്ട മറ്റ് വിവരങ്ങൾ:
എക്സ്പ്രസ് എൻട്രി: കനേഡിയൻ എക്സ്പീരിയൻസ് ക്ലാസ് (CEC)-ന് 5 മാസം, ഫെഡറൽ സ്കിൽഡ് വർക്കർ പ്രോഗ്രാം (FSWP)-ന് 7 മാസം, പ്രൊവിൻഷ്യൽ നോമിനി പ്രോഗ്രാം (PNP)-ന് 8 മാസം.
സ്റ്റാർട്ട്-അപ്പ് വിസ: 51 മാസം (8 മാസം വർധിച്ചു). ഈ പ്രോഗ്രാമുകളുടെ സങ്കീർണ്ണത കാരണം കൂടുതൽ സമയമെടുക്കും.
