ഒട്ടാവ:കാനഡയിൽ പുതുതായി എത്തുന്നവരെ ലക്ഷ്യമിട്ട് നടക്കുന്ന തട്ടിപ്പുകൾക്കെതിരെ (Visa Scam) IRCC അധികൃതർ ജാഗ്രതാ നിർദ്ദേശം നൽകി. കനേഡിയൻ പൗരന്മാർക്ക് ലഭിക്കുന്ന എല്ലാ നിയമ പരിരക്ഷകളും അവകാശങ്ങളും രാജ്യത്തെത്തുന്ന പുതിയ താമസക്കാർക്കും ബാധകമാണ്. തട്ടിപ്പുകൾ തിരിച്ചറിയാനും സ്വയം സംരക്ഷിക്കാനുമുള്ള പ്രധാന വിവരങ്ങളാണ് കുടിയേറ്റ വകുപ്പ് പുറത്തുവിട്ടത്.
IRCC ഉദ്യോഗസ്ഥരുടെ മുന്നറിയിപ്പ്:
കാനഡയിലെ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് (IRCC) ഉദ്യോഗസ്ഥരെന്ന് അവകാശപ്പെടുന്നവർ താഴെ പറയുന്ന മാർഗ്ഗങ്ങളിലൂടെ പണം ആവശ്യപ്പെട്ടാൽ അത് തട്ടിപ്പാണെന്ന് തിരിച്ചറിയുക:
ഇമെയിൽ പേയ്മെൻ്റ്, ഫോൺ പേയ്മെൻ്റ്, ബാങ്ക് ട്രാൻസ്ഫർ എന്നിവ ആവശ്യപ്പെടില്ല.
വ്യക്തിഗത ബാങ്ക് അക്കൗണ്ടുകളിലേക്ക് പണം നിക്ഷേപിക്കാൻ ആവശ്യപ്പെടില്ല.
പ്രീപെയ്ഡ് ക്രെഡിറ്റ് കാർഡുകൾ, വെസ്റ്റേൺ യൂണിയൻ, മണി ഗ്രാം, ഗിഫ്റ്റ് കാർഡുകൾ, അല്ലെങ്കിൽ സമാനമായ മറ്റ് സേവനങ്ങൾ എന്നിവ വഴി പണം കൈമാറ്റം ചെയ്യാനോ ഫീസ് അടക്കാനോ ആവശ്യപ്പെടില്ല.
ഫീസ് അടയ്ക്കാത്തതിൻ്റെ പേരിൽ അറസ്റ്റ് ചെയ്യുമെന്നോ, നാടുകടത്തുമെന്നോ, പോലീസ് അറസ്റ്റ് ചെയ്യുമെന്നോ ഭീഷണിപ്പെടുത്തുകയില്ല.
IRCC പണം സ്വീകരിക്കുന്നത് എങ്ങനെ?
IRCC അവരുടെ വെബ്സൈറ്റിലെ പോർട്ടൽ വഴി ഓൺലൈൻ പേയ്മെൻ്റ് മാത്രമാണ് സ്വീകരിക്കുന്നത്. ലോകമെമ്പാടുമുള്ള എല്ലാ സേവനങ്ങൾക്കും ഫീസുകൾ തുല്യമാണ്.
പുതുമുഖങ്ങളെ ലക്ഷ്യമിട്ടുള്ള സാധാരണ തട്ടിപ്പുകൾ:
കാനഡയിലെത്തിയ ശേഷം നിങ്ങൾ അഭിമുഖീകരിക്കാൻ സാധ്യതയുള്ള ചില തരം തട്ടിപ്പുകൾ ഇവയാണ്:
കാനഡാ ഗവൺമെൻ്റ് ജീവനക്കാരെന്ന് നടിക്കുന്ന വ്യക്തികൾ നടത്തുന്ന തട്ടിപ്പ്.
ഫിഷിംഗ് ഇമെയിലുകൾ അല്ലെങ്കിൽ ടെക്സ്റ്റ് മെസ്സേജുകൾ.
കമ്പ്യൂട്ടർ വൈറസ് തട്ടിപ്പുകൾ.
വ്യാജ സമ്മാനങ്ങളെക്കുറിച്ചുള്ള അറിയിപ്പുകളും മത്സരങ്ങളും.
ടാക്സ് സംബന്ധമായ തട്ടിപ്പുകൾ.
തട്ടിപ്പുകളിൽ നിന്ന് രക്ഷ നേടാൻ ഓർമ്മിക്കുക:
നിങ്ങൾക്ക് കാനഡയിലേക്ക് വിസയോ, ജോലിയോ, സ്ഥിരതാമസ അനുമതിയോ ഉറപ്പ് നൽകാൻ ആർക്കും സാധിക്കില്ല. കാനഡയിലെ എംബസികളിലെയും കോൺസുലേറ്റുകളിലെയും കുടിയേറ്റ ഉദ്യോഗസ്ഥർക്ക് മാത്രമേ വിസ അനുവദിക്കാൻ അധികാരമുള്ളൂ. പണം നൽകിയാൽ നിങ്ങളുടെ അപേക്ഷ വേഗത്തിൽ അംഗീകരിക്കുമെന്നോ പ്രത്യേക പരിഗണന ലഭിക്കുമെന്നോ ആരും വാഗ്ദാനം ചെയ്യില്ല. IRCC ജീവനക്കാർ നിങ്ങളെ ബന്ധപ്പെടാൻ ഹോട്ട്മെയിൽ, ജിമെയിൽ, യാഹൂ മെയിൽ തുടങ്ങിയ സൗജന്യ ഇമെയിൽ സേവനങ്ങളോ സോഷ്യൽ മീഡിയയോ ഉപയോഗിക്കില്ല. തട്ടിപ്പുകൾ ശ്രദ്ധയിൽപ്പെട്ടാൽ ഉടൻ തന്നെ കനേഡിയൻ അധികൃതർക്ക് റിപ്പോർട്ട് ചെയ്യണമെന്ന് IRCC അറിയിച്ചു.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
IRCC issues warning: Be careful if you are asked for money via email or phone
