റെജൈന: കാനഡിയൻ ഫുട്ബോൾ ലീഗിൽ (CFL) സസ്കാച്ചുവാൻ റഫ്റൈഡേഴ്സിന് നിർണായക മത്സരങ്ങൾക്ക് മുൻപായി കനത്ത തിരിച്ചടി. ടീമിലെ പ്രധാന റണ്ണിംഗ് ബാക്കായ എ.ജെ. ഔലെറ്റിനെയും (A.J. Ouellette) പ്രതിരോധനിരയിലെ നിർണായക താരമായ റോളൻ മില്ലിഗൻ ജൂനിയറെയും (Rolan Milligan Jr.) പരിക്കിനെ തുടർന്ന് ആറ് മത്സരങ്ങൾക്കുള്ള ഇൻജേർഡ് ലിസ്റ്റിൽ ഉൾപ്പെടുത്തി.
കഴിഞ്ഞ വ്യാഴാഴ്ച എഡ്മണ്ടണിനെതിരായ മത്സരത്തിനിടെ കാൽമുട്ടിന് പരിക്കേറ്റ ഔലെറ്റ് തുടർന്ന് ഈ ആഴ്ച നടന്ന പരിശീലന സെഷനുകളിലൊന്നിലും പങ്കെടുത്തില്ല. എന്നാൽ ടീമിനൊപ്പമുണ്ടായിരുന്ന താരം പരിശീലന പ്രവർത്തനങ്ങളിൽ സഹതാരങ്ങളെ സഹായിക്കുന്നതിൽ സജീവമായിരുന്നു.
ഔലെറ്റിന്റെ അഭാവത്തിൽ റൂക്കി റണ്ണിംഗ് ബാക്കായ ക്വാലി കോൺലി (Quali Conley) ഈ സീസണിൽ മൂന്നാം തവണ സ്റ്റാർട്ടിംഗ് ഇലവനിൽ ഇടംപിടിക്കും. ഇതുവരെ രണ്ട് മത്സരങ്ങളിൽ അവസരം ലഭിച്ച കോൺലി 20 റണ്ണുകളിൽ നിന്ന് 107 യാർഡും ഒരു ടച്ച്ഡൗണും സ്വന്തമാക്കിയിട്ടുണ്ട്. ഓരോ റണ്ണിലും ശരാശരി അഞ്ച് യാർഡിലധികം മുന്നേറാനും താരത്തിന് കഴിഞ്ഞിട്ടുണ്ട്. കൂടാതെ അഞ്ച് ടാർഗറ്റുകളിൽ നിന്ന് മൂന്ന് ക്യാച്ചുകളിലൂടെ 17 യാർഡും അദ്ദേഹം നേടി.
പ്രതിരോധനിരയിൽ, സീസൺ ഉദ്ഘാടന മത്സരത്തിൽ തോളിന് പരിക്കേറ്റതിനെ തുടർന്ന് ആറാഴ്ച ഇൻജേർഡ് ലിസ്റ്റിലായിരുന്ന മില്ലിഗൻ കഴിഞ്ഞ ആഴ്ചയാണ് തിരിച്ചെത്തിയത്. എന്നാൽ ബുധനാഴ്ചത്തെ പരിശീലനത്തിനിടെ വീണ്ടും പരിക്കേറ്റ താരം പിന്നീട് നടന്ന ഓൺ-ഫീൽഡ് പരിശീലനങ്ങളിൽ പങ്കെടുത്തില്ല. 2024-ലെ CFL-ന്റെ മോസ്റ്റ് ഔട്ട്സ്റ്റാൻഡിംഗ് ഡിഫൻസീവ് പ്ലെയർ പുരസ്കാര ജേതാവായ മില്ലിഗനെ ഇത്തവണ കാൽമുട്ടിന് പരിക്കിനെ തുടർന്ന് വീണ്ടും ആറ് മത്സരത്തേക്കുള്ള ഇൻജേർഡ് ലിസ്റ്റിൽ ഉൾപ്പെടുത്തിയിരിക്കുകയാണ്.
അതേസമയം, കാലിന് പരിക്കേറ്റ റിസീവർ സാമുവൽ എമിലസിന്റെ (Samuel Emilus) കാര്യത്തിൽ ശനിയാഴ്ച മത്സരത്തിന് തൊട്ടുമുമ്പ് മാത്രമേ അന്തിമ തീരുമാനം ഉണ്ടാകൂ. ഈ ആഴ്ചയിലെ ആദ്യ രണ്ട് പരിശീലനങ്ങൾ നഷ്ടമായെങ്കിലും വ്യാഴാഴ്ചത്തെ ക്ലോസ്ഡ് പ്രാക്ടീസിൽ താരം പൂർണമായി പങ്കെടുത്തു. എമിലസിന് കളിക്കാനായില്ലെങ്കിൽ മുൻ യൂണിവേഴ്സിറ്റി ഓഫ് സസ്കാച്ചുവാൻ ഹസ്കീസ് താരം ഡാനിയൽ വീബെ (Daniel Wiebe) ആദ്യ ഇലവനിൽ അവസരം ലഭിക്കുമെന്നാണ് സൂചന.
സസ്കാച്ചുവാനും എഡ്മണ്ടണും തമ്മിലുള്ള മത്സരം സസ്കാച്ചുവാൻ സമയം ശനിയാഴ്ച വൈകിട്ട് 5 മണിക്ക് എഡ്മണ്ടണിൽ നടക്കും.
Injury woes: Saskatchewan Roughriders without two key players.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
