ടൊറന്റോ: ഒന്റാരിയോ പ്രൊവിൻഷ്യൽ നോമിനി പ്രോഗ്രാമിന് (OINP) കീഴിലുള്ള സ്കിൽഡ് ട്രേഡ്സ് സ്ട്രീം വഴി പെർമനന്റ് റെസിഡൻസിക്ക് (PR) അപേക്ഷിച്ച ആയിരക്കണക്കിന് തൊഴിലാളികളുടെ ഫയലുകൾ കാനഡ റദ്ദാക്കിയതിനെതിരെ വ്യാപക പ്രതിഷേധം. പ്രവാസികളായ 2,600-ഓളം തൊഴിലാളികളുടെ അപേക്ഷകളാണ് ഒന്റാരിയോ ലേബർ മന്ത്രാലയം (Ministry of Labour) റദ്ദാക്കിയത്.
അപേക്ഷകളിൽ ‘തട്ടിപ്പ്’ (Fraud) നടന്നു എന്ന് ആരോപിച്ചാണ് മിനിസ്ട്രി ഓഫ് ലേബർ സ്കിൽഡ് ട്രേഡ്സ് സ്ട്രീം പ്രോഗ്രാം താൽക്കാലികമായി നിർത്തിവെക്കുകയും ഫയലുകൾ കൂട്ടത്തോടെ തിരിച്ചയക്കുകയും ചെയ്തത്. റദ്ദാക്കിയ അപേക്ഷകൾ പുനഃപരിശോധിക്കണമെന്നും നീതി ഉറപ്പാക്കണമെന്നും ആവശ്യപ്പെട്ട് പ്രതിഷേധക്കാർ ടൊറന്റോ ഡൗൺടൗണിലെ ഒന്റാരിയോ ലേബർ മന്ത്രാലയം ഓഫീസിന് മുന്നിൽ തടിച്ചുകൂടി.
ഒന്നര വർഷത്തോളം ഈ ട്രേഡുകളിൽ ജോലി ചെയ്ത ശേഷമാണ് തങ്ങൾ അപേക്ഷ നൽകിയതെന്ന് തൊഴിലാളികൾ പറയുന്നു. വർക്ക് പെർമിറ്റ് കാലാവധി തീരാറായ നിർണ്ണായക ഘട്ടത്തിലാണ് യാതൊരു വിശദീകരണവുമില്ലാതെ ഫയലുകൾ റദ്ദാക്കിയത്. ആഭ്യന്തര മന്ത്രാലയം തട്ടിപ്പും കള്ളത്തരവും ആരോപിച്ചാണ് അപേക്ഷകൾ റദ്ദാക്കിയതെന്നും, എന്നാൽ യാതൊരുവിധ അപ്പീൽ നൽകാനോ കാരണം ബോധിപ്പിക്കാനോ അവസരം ലഭിച്ചില്ലെന്നും പ്രതിഷേധക്കാർ കുറ്റപ്പെടുത്തി.
നീതിയും സുതാര്യതയും ഉറപ്പാക്കിക്കൊണ്ട് അപേക്ഷകൾ ഓരോന്നും പ്രത്യേകം പരിശോധിക്കണമെന്നാണ് (Individual Review) തൊഴിലാളികളുടെ പ്രധാന ആവശ്യം. വിദഗ്ധ തൊഴിലാളികളെ (Skilled Trade Workers) ആശ്രയിക്കുന്ന കാനഡയുടെ തൊഴിൽ മേഖലയ്ക്ക് ഇത് കനത്ത തിരിച്ചടിയാണെന്നും, സത്യസന്ധരായ അപേക്ഷകർക്ക് ഈ നടപടി വലിയ ആഘാതമുണ്ടാക്കിയെന്നും പ്രതിഷേധക്കാർ ചൂണ്ടിക്കാട്ടി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Dreams Shattered: Hundreds of Ontario Nominee Program (OINP) Files Canceled, Sparking Street Protests
