കാനഡയിലെ പ്രധാന റീട്ടെയിൽ സ്ഥാപനങ്ങളിലൊന്നായ ഹഡ്സൺസ് ബേ (Hudson’s Bay) കമ്പനി, ഇപ്പോള് സാമ്പത്തിക പ്രശ്നങ്ങൾ നേരിടുന്നതിനാൽ ബ്രിട്ടീഷ് കൊളംബിയയിൽ ഉള്ള അവരുടെ 28 സ്റ്റോറുകളുടെ ലീസ് അവിടുത്തെ മാൾ ഉടമയും നിക്ഷേപകയുമായ റൂബി ലിയു (Ruby Liu)യ്ക്ക് വിൽക്കാൻ കമ്പനി തീരുമാനിച്ചിട്ടുണ്ട്. ആൽബർട്ട, ബ്രിട്ടീഷ് കൊളമ്പിയ, ഒന്റാറിയോ എന്നീ പ്രവിശ്യകളിൽ Hudson’s Bay-യും അതിന്റെ സഹോദര ബ്രാൻഡായ Saks-ഉം പ്രവർത്തിപ്പിച്ചിരുന്ന സ്ഥലങ്ങളിൽ ആധുനിക ഡിപ്പാർട്ട്മെന്റ് സ്റ്റോർ ആരംഭിക്കാനാണ് Liu-യുടെ പദ്ധതി.
ബ്രിട്ടീഷ് കൊളമ്പിയയിലെ മൂന്ന് മാളുകൾക്കു ഉടമയായ ലിയു, വിവിധ തലമുറകളെ തമ്മിൽ ബന്ധിപ്പിക്കുന്ന ഒരു ഷോപ്പിങ് കേന്ദ്രം രൂപീകരിക്കാനാണ് ലക്ഷ്യമിടുന്നത്. മുൻ Hudson’s Bay ജീവനക്കാരെയും വിതരണക്കാരെയും തൊഴിൽ അവസരങ്ങളിലും പങ്കാളിത്തത്തിലും മുൻഗണന നൽകുമെന്ന് അവർ വാഗ്ദാനം ചെയ്തിട്ടുണ്ട്. “New Bay” എന്ന ടാഗ്ലൈനോടു കൂടി മാണിക്യക്കല്ലിന് മുകളിൽ “Liu” എന്ന പുതിയ ബ്രാൻഡ് ലോഗോ അവർ അനാവരണം ചെയ്തിട്ടുണ്ട്. എങ്കിലും Hudson’s Bay നാമം ഉപയോഗിക്കാൻ Canadian Tire കമ്പനിയുമായി ലൈസൻസിംഗ് കരാർ ഉണ്ടാക്കേണ്ടതുണ്ട്, കാരണം അവർ അടുത്തിടെ ഈ ബ്രാൻഡ് അവകാശങ്ങൾ 30 മില്യൺ ഡോളറിന് വാങ്ങിയിരുന്നു.
ലീസ് കൈമാറ്റ കരാർ നടപ്പിലാക്കുന്നതിന് കോടതിയുടെ അനുമതിയും ഭൂവുടമകളുടെ സമ്മതിയും ആവശ്യമായതിനാൽ ഇത് നിലവിലുള്ള ലീസ് വ്യവസ്ഥകൾ കാരണം വെല്ലുവിളികൾ സൃഷ്ടിക്കാൻ സാധ്യതയുണ്ട്. Liu-യുടെ ധനസഹായം എവിടുനിന്നാണ് വരുന്നത് എന്ന് വ്യക്തമല്ല. എന്നാൽ, അവർക്കു വലിയ സ്വകാര്യ സമ്പത്തും ഭൂമിയും ഉള്ളതായി അറിയപ്പെടുന്നു.
39 ലീസുകൾക്കായി 12 കക്ഷികൾ ബിഡ് നൽകിയിട്ടുണ്ടെങ്കിലും, Hudson’s Bay ഇപ്പോഴും Canadian Tire ഉൾപ്പെടെയുള്ള മറ്റ് ബിഡർമാരുമായി ചർച്ചയിലാണ്, പക്ഷേ എല്ലാ തീരുമാനങ്ങളും അന്തിമമാക്കിയിട്ടില്ല. കാനഡയിലെ റീട്ടെയിൽ മേഖലയിൽ ഈ വികസനം പുതിയ അധ്യായം തുറക്കുമെന്ന് പ്രതീക്ഷിക്കപ്പെടുന്നു.
