റെജിന: റെജിന മാർത്തോമാ സമൂഹത്തിന്റെ ആഭിമുഖ്യത്തിൽ അടുത്ത വിശുദ്ധ കുർബാന ശുശ്രൂഷ മെയ് എട്ടിന് വെള്ളിയാഴ്ച നടത്താൻ തീരുമാനിച്ചിരിക്കുന്നു. റെജിനയിലെ സെന്റ് മാർക്സ് ഇവാഞ്ചലിക്കൽ ലൂഥറൻ ചർച്ചിൽ വൈകുന്നേരം ആറ് മണിക്കാണ് ശുശ്രൂഷകൾ ക്രമീകരിച്ചിരിക്കുന്നത്.
പ്രാദേശിക മാർത്തോമാ വിശ്വാസികളെ ഏകോപിപ്പിക്കുന്നതിനും ആത്മീയ കൂട്ടായ്മ ഉറപ്പുവരുത്തുന്നതിനുമായാണ് ഈ ശുശ്രൂഷ സംഘടിപ്പിച്ചിരിക്കുന്നത്. ശുശ്രൂഷയുടെ ഭാഗമായി പ്രത്യേക പ്രാർത്ഥനകളും ക്രമീകരിച്ചിട്ടുണ്ട്. ജന്മദിനവും വിവാഹ വാർഷികവും ആഘോഷിക്കുന്ന ഇടവകാംഗങ്ങൾക്കായി ഈ ദിവസം പ്രത്യേക സ്തോത്ര പ്രാർത്ഥനകൾ നടത്തുമെന്ന് സഭാ ഭാരവാഹികൾ അറിയിച്ചു.
സെന്റ് മാർക്ക്സ് ഇവാഞ്ചലിക്കൽ ലൂഥറൻ ചർച്ചിൽ (S4S 2G2) വെച്ച് നടക്കുന്ന ഈ ശുശ്രൂഷയിൽ റെജിനയിലെയും പരിസര പ്രദേശങ്ങളിലെയും എല്ലാ വിശ്വാസികളും പങ്കെടുക്കണമെന്ന് ഭാരവാഹികൾ അഭ്യർത്ഥിച്ചു. പ്രാർത്ഥനാനിർഭരമായ ഈ ആത്മീയ സംഗമത്തിലേക്ക് എല്ലാവരുടെയും സാന്നിധ്യം പ്രതീക്ഷിക്കുന്നതായി റെജിന മാർത്തോമാ സമൂഹം അറിയിച്ചു.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Holy Mass of the Marthoma Church in Regina on May 8th
