ട്രംപ് നയങ്ങളെ കുറിച് മുന്നറിയിപ്പുമായി H&M CEO
വാഷിംഗ്ടൺ: അമേരിക്കൻ ഇറക്കുമതി താരിഫുകൾ ഉപഭോക്താക്കൾക്ക് അധിക സാമ്പത്തിക ഭാരം ഉണ്ടാക്കുമെന്ന മുന്നറിയിപ്പുമായി H&M സിഇഒ ഡാനിയൽ എർവർ രംഗത്ത്. ചൈനയിൽ നിന്നും ബംഗ്ലാദേശിൽ നിന്നുമുള്ള ഉത്പാദന കേന്ദ്രങ്ങളിൽ നിന്നുള്ള ഇറക്കുമതിക്ക് അമേരിക്ക 20% വരെ അധിക നികുതി ചുമത്തുന്നതാണ് ഇതിന് കാരണം. ഏപ്രിൽ 2-ന് പ്രഖ്യാപിക്കാനിരിക്കുന്ന പുതിയ താരിഫുകൾ സ്ഥിതിഗതികൾ കൂടുതൽ സങ്കീർണ്ണമാക്കും.
H&M- ൻ്റെ രണ്ടാമത്തെ വലിയ വിപണിയാണ് അമേരിക്ക. അതിനാൽ തന്നെ, വർധിച്ചു വരുന്ന ഇറക്കുമതി ചിലവുകൾ പരിഹരിക്കുന്നതിന് ഉത്പന്നങ്ങളുടെ വില വർദ്ധിപ്പിക്കേണ്ടി വരുമെന്ന് എർവർ സൂചിപ്പിച്ചു.
ഈ സാഹചര്യത്തിൽ, മറ്റ് ഉത്പാദന കേന്ദ്രങ്ങൾ കണ്ടെത്താൻ H&M ശ്രമിക്കുന്നുണ്ടെങ്കിലും, വ്യാപാര നയങ്ങളിലെ അനിശ്ചിതത്വം നിലനിൽക്കുന്നതിനാൽ എത്രത്തോളം ഫലപ്രദമാണെന്ന് മനസ്സിലാക്കേണ്ടതുണ്ട്. അതിനാൽ വരും ദിവസങ്ങളിൽ ഉത്പന്നങ്ങളുടെ വിലയിൽ മാറ്റങ്ങൾ വരുത്താൻ സാധ്യതയുണ്ടെന്നും അദ്ദേഹം കൂട്ടിച്ചേർത്തു.
