ഒട്ടാവ: സാൽമൊണല്ല ബാക്ടീരിയയുടെ സാന്നിധ്യം ഉണ്ടാകാൻ സാധ്യതയുണ്ടെന്ന മുന്നറിയിപ്പിനെ തുടർന്ന് ഒരു ഹെർബൽ ടീ തിരിച്ചുവിളിക്കാൻ കനേഡിയൻ ഫുഡ് ഇൻസ്പെക്ഷൻ ഏജൻസി (CFIA) നിർദേശം നൽകി. സെലിബ്രേഷൻ ഹെർബൽസ് സെന ലീഫ് ഹെർബൽ ടീ (Celebration Herbals Senna Leaf Herbal Tea) ആണ് തിരിച്ചുവിളിച്ചത്. 24 ടീ ബാഗുകളുള്ള ബോക്സുകളിലാണ് ഈ ഉൽപ്പന്നം വിൽപ്പനക്കെത്തിയിരുന്നത്. ഈ ഉൽപ്പന്നത്തിൽ സാൽമൊണല്ല ബാധ ഉണ്ടാകാനുള്ള സാധ്യതയുണ്ടെന്ന് കണ്ടെത്തിയതിനെ തുടർന്നാണ് കമ്പനി സ്വയം തിരിച്ചുവിളിക്കൽ പ്രഖ്യാപിച്ചത്. ഈ ഉൽപ്പന്നം ഉപയോഗിക്കുകയോ വിൽക്കുകയോ വിതരണം ചെയ്യുകയോ ചെയ്യരുതെന്ന് സി.എഫ്.ഐ.എ. പൊതുജനങ്ങളോടും കച്ചവടക്കാരോടും ആവശ്യപ്പെട്ടു. ഇത് വാങ്ങിയവർ ഉടനടി ഒഴിവാക്കുകയോ അല്ലെങ്കിൽ കടകളിൽ തിരികെ ഏൽപ്പിക്കുകയോ ചെയ്യണം.
സാൽമൊണല്ല കലർന്ന ഭക്ഷണം കാഴ്ചയിലോ മണത്തിലോ കേടായതായി തോന്നില്ല, എങ്കിലും ഗുരുതരമായ രോഗങ്ങൾ ഉണ്ടാക്കാം. പനി, ഓക്കാനം, ഛർദ്ദി, വയറുവേദന, വയറിളക്കം എന്നിവയാണ് പ്രധാന ലക്ഷണങ്ങൾ. ഈ ചായ ഉപയോഗിച്ച ആളുകൾ ഉടൻ തന്നെ ആരോഗ്യ പ്രവർത്തകരുമായി ബന്ധപ്പെടണം. നിലവിൽ ഈ ഉൽപ്പന്നം ഉപയോഗിച്ച് ആർക്കും രോഗം ബാധിച്ചതായി റിപ്പോർട്ടുകളില്ല.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Herbal tea recalled due to salmonella risk
