ഒട്ടാവ: പ്രധാനമന്ത്രി മാർക്ക് കാർണിയുടെ കാബിനറ്റിൽ നിന്ന് മുൻ പരിസ്ഥിതി മന്ത്രിയും നിലവിലെ കനേഡിയൻ ഐഡന്റിറ്റി ആൻഡ് കൾച്ചറൽ മന്ത്രിയുമായ സ്റ്റീവൻ ഗിൽബോട്ട് രാജിവെച്ചു. മാർക്ക് കാർണി ആൽബർട്ട പ്രവിശ്യയുമായി ഒരു പുതിയ എണ്ണ പൈപ്പ്ലൈനിനായുള്ള സുപ്രധാന ധാരണാപത്രത്തിൽ ഒപ്പുവെച്ച അതേ ദിവസമാണ് ഗിൽബോട്ട് രാജി പ്രഖ്യാപിച്ചത് എന്നതിലാണ് ഈ സംഭവത്തിൽ രാഷ്ട്രീയ പ്രാധാന്യം ഏറുന്നത്. പരിസ്ഥിതി പ്രവർത്തകനായി രാഷ്ട്രീയത്തിൽ പ്രവേശിച്ച ഗിൽബോട്ടിന്റെ രാജി, എണ്ണ പൈപ്പ്ലൈൻ പദ്ധതിയെച്ചൊല്ലിയുള്ള സർക്കാർ തലത്തിലെ അഭിപ്രായവ്യത്യാസങ്ങളുടെ സൂചനയാണ് നൽകുന്നത്.
രാജിക്ക് പിന്നിലെ കാരണങ്ങൾ
മാർക്ക് കാർണി ആൽബർട്ടയുമായി എണ്ണ പൈപ്പ്ലൈൻ നിർമ്മാണത്തിന് വ്യവസ്ഥകൾ വെച്ചുകൊണ്ടുള്ള കരാറിൽ ഒപ്പിട്ടത്, കാനഡയുടെ കാലാവസ്ഥാ ലക്ഷ്യങ്ങളെയും പരിസ്ഥിതി സംരക്ഷണ നിലപാടുകളെയും പ്രതികൂലമായി ബാധിക്കുമെന്ന ആശങ്കകൾ ഗിൽബോട്ടിനുണ്ടായിരുന്നു ഫോസിൽ ഇന്ധന പദ്ധതികൾക്ക് അനുമതി നൽകുന്നതിലെ മന്ത്രിസഭയുടെ നിലപാടുകളോട് സ്റ്റീവൻ ഗിൽബോട്ടിന് വിയോജിപ്പുണ്ടായിരുന്നതായി റിപ്പോർട്ടുകൾ സൂചിപ്പിക്കുന്നു. പരിസ്ഥിതി പ്രവർത്തകനെന്ന നിലയിൽ, കാലാവസ്ഥാ വ്യതിയാനം ലഘൂകരിക്കുന്നതിനുള്ള സർക്കാരിന്റെ ശ്രമങ്ങളിൽ മന്ത്രിക്കുണ്ടായ നിരാശയാണ് രാജിയിലേക്ക് നയിച്ചതെന്നാണ് രാഷ്ട്രീയ നിരീക്ഷകരുടെ വിലയിരുത്തൽ. ഒരു പ്രമുഖ കാലാവസ്ഥാ നേതാവ് കാബിനറ്റിൽ നിന്ന് പുറത്തുപോയത്, കാനഡയുടെ കാലാവസ്ഥാ ലക്ഷ്യങ്ങൾക്കും എണ്ണ മേഖലയുടെ ആവശ്യകതകൾക്കുമിടയിലുള്ള സർക്കാരിന്റെ നയം ചോദ്യചിഹ്നമാക്കുന്നു. മന്ത്രിസഭയ്ക്ക് പുതിയ പ്രതിസന്ധി സൃഷ്ടിച്ചിരിക്കുകയാണ് ഗിൽബോട്ടിന്റെ ഈ അപ്രതീക്ഷിത രാജി.
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/Ghtm5bIjsVN8SItyDlaj3Q?mode=wwt
Guilbeault resigns from cabinet over Carney’s energy deal with Alberta
