മക്നൈറ്റ് ബൗലെവാർഡ് എന്ന സ്ഥലത്ത് ശനിയാഴ്ച രാവിലെ മാലിന്യം കൊണ്ടുപോകുന്ന ട്രക്കിന് തീ പിടിച്ചു. ആളപായമൊന്നും രേഖപ്പെടുത്തിയിട്ടില്ല. ഡ്രൈവർ വേഗം മാലിന്യങ്ങൾ റോഡിലേക്ക് തള്ളിയിട്ടതുകൊണ്ട് വലിയ അപകടം ഒഴിവായി. തീ പിടിച്ച ഉടനെ ട്രക്ക് ഡ്രൈവർ വണ്ടി റോഡിന്റെ ഒരു വശത്ത് ഒതുക്കി നിർത്തി, തീ പടർന്ന് പിടിക്കാതിരിക്കാൻ മാലിന്യങ്ങൾ പുറത്തേക്കിട്ടു.
ഈ സമയത്ത് അതുവഴി വന്ന മറ്റു യാത്രക്കാർ പോലീസിനെയും ഫയർ ഫോഴ്സിനെയും വിവരമറിയിച്ചു. ഉടൻ തന്നെ ഫയർ ഫോഴ്സ് എത്തി തീ അണച്ചു. തീ പിടിച്ചതിൻ്റെ കാരണം ഇതുവരെ വ്യക്തമല്ല. പോലീസ് സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്. പോലീസ് വരുന്നതുവരെ അതുവഴി പോകുകയായിരുന്ന വാഹന യാത്രികർ രക്ഷാപ്രവർത്തനത്തിൽ ഡ്രൈവറെ സഹായിച്ചു.
തീ അണച്ചതിനു ശേഷം, മാലിന്യങ്ങൾ റോഡിൽ നിന്ന് മാറ്റാനുള്ള പ്രവർത്തനങ്ങൾ ആരംഭിച്ചു. അതിനാൽ ഡീർഫൂട്ട് എക്സിറ്റിന് മുൻപുള്ള മക്നൈറ്റ് ബൗലെവാർഡിന്റെ പടിഞ്ഞാറ് ദിശയിലുള്ള എല്ലാ റോഡുകളും താൽകാലികമായി അടച്ചു. ഗതാഗതം സാധാരണ നിലയിലാകാൻ കുറച്ചധികം സമയമെടുക്കും. യാത്രക്കാർക്ക് വഴി തിരിച്ചുവിടാൻ ട്രാഫിക് പോലീസ് സഹായത്തിനുണ്ട്.
Garbage truck catches fire on McKnight Boulevard
