ഒട്ടാവ: കാനഡയിലേക്ക് കുടിയേറാൻ ആഗ്രഹിക്കുന്നവർക്ക് ഏറെ പ്രതീക്ഷ നൽകികൊണ്ട് ഫെബ്രുവരി 3ന് നടന്ന ഏറ്റവും പുതിയ എക്സ്പ്രസ് എൻട്രി നറുക്കെടുപ്പ് വിവരങ്ങൾ ഐആർസിസി (IRCC) പുറത്തുവിട്ടു. എക്സ്പ്രസ് എൻട്രി പ്രൊവിൻഷ്യൽ നോമിനി പ്രോഗ്രാം (പിഎൻപി) വഴി 423 ഉദ്യോഗാർത്ഥികൾക്കാണ് ഇത്തവണ സ്ഥിരതാമസത്തിന് അപേക്ഷിക്കാനുള്ള അവസരം ലഭിച്ചിരിക്കുന്നത്. 749 ആണ് ഈ നറുക്കെടുപ്പിൽ പരിഗണിക്കപ്പെട്ട ഏറ്റവും കുറഞ്ഞ സിആർഎസ് സ്കോർ. 2025 ഡിസംബർ 16-ന് മുൻപ് എക്സ്പ്രസ് എൻട്രി പ്രൊഫൈൽ സമർപ്പിച്ചവർക്കാണ് ഈ ഘട്ടത്തിൽ മുൻഗണന ലഭിച്ചത്.
ഈ വർഷം ഇതുവരെ നടന്ന അഞ്ച് നറുക്കെടുപ്പുകളിലും കാനഡയ്ക്കകത്ത് നിലവിൽ ജോലി ചെയ്യുന്നവർക്കും പ്രവിശ്യകളുടെ നാമനിർദ്ദേശം ലഭിച്ചവർക്കുമാണ് ഡ്രോയിൽ വലിയ പ്രാധാന്യം ലഭിച്ചത്. 2026-ന്റെ തുടക്കം മുതൽ ഇതുവരെ ആകെ 19,478 പേർക്ക് വിവിധ നറുക്കെടുപ്പുകളിലൂടെ ഇമിഗ്രേഷൻ വകുപ്പ് ഇൻവിറ്റേഷൻ അയച്ചത്. ഇതിൽ 14,000 പേർ കനേഡിയൻ എക്സ്പീരിയൻസ് ക്ലാസിൽ നിന്നുള്ളവരും ബാക്കിയുള്ളവർ പിഎൻപി വിഭാഗത്തിൽ നിന്നുള്ളവരുമാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Express Entry PNP February 3, 2026
