എഡ്മണ്ടൺ നഗരവും ചുറ്റുമുള്ള പ്രദേശങ്ങളിലും ശനിയാഴ്ച്ച ശക്തമായ കാറ്റിനും നേരിയ മഴയ്ക്കും സാധ്യത ഉണ്ടാകുമെന്ന് കാലാവസ്ഥാ വകുപ്പിന്റെ മുന്നറിയിപ്പ്. ഇന്ന് പുലർച്ചെ മിക്കവാറും സ്ഥലങ്ങളിൽ നേരിയ മഴ ലഭിച്ച സാഹചര്യമായിരുന്നു. പകൽ മുഴുവൻ 40 കിലോമീറ്റർ വേഗതയിൽ കാറ്റ് വീശാൻ സാധ്യതയുള്ളതായി റിപ്പോർട്ട് ചെയ്യുന്നു.
ഇന്നും കാറ്റിന്റെ ശക്തി തുടരുമെന്നും, ശനിയാഴ്ച അത് കൂടുതൽ ശക്തമാകുമെന്നും പ്രതീക്ഷിക്കുന്നു. വടക്കുപടിഞ്ഞാറൻ ദിശയിൽ നിന്നും മണിക്കൂറിൽ 50 കിലോമീറ്റർ വരെ കാറ്റ് വീശാനിടയുണ്ടെന്നും ഇതേ സമയത്താണ് കാട്ടുതീകളിൽ നിന്നുള്ള പുക എഡ്മണ്ടൺ നഗരത്തിലേക്ക് പ്രവേശിക്കാൻ സാധ്യതയുള്ളത്.
കാട്ടുതീയെ തുടർന്നുണ്ടാകുന്ന പുകമഞ്ഞ് ഞായറാഴ്ച വരെ നിലനിൽക്കുമെന്നാണ് പ്രവചനം. തിങ്കളാഴ്ചയെക്കുറിച്ചുള്ള പുക പ്രവചനം ഇപ്പോഴും ഉറപ്പില്ലാത്തതായും കാലാവസ്ഥാ നിരീക്ഷകർ വ്യക്തമാക്കുന്നു. ശനിയാഴ്ച താപനില ഏകദേശം 20 ഡിഗ്രിയിലായിരിക്കും.
