ചില ദിവസങ്ങളിൽ മാനസികാവസ്ഥ പെട്ടെന്ന് താഴേക്ക് പോകാറുണ്ടോ? എങ്കിൽ വിഷമിക്കേണ്ട, നിങ്ങൾ കഴിക്കുന്ന ഭക്ഷണം നിങ്ങളുടെ ‘ഹാപ്പി ഹോർമോണുകൾ’ ആയ സെറോട്ടോണിൻ, ഡോപാമൈൻ, എൻഡോർഫിൻ എന്നിവയുടെ ഉത്പാദനത്തെയും സന്തുലിതാവസ്ഥയെയും നേരിട്ട് സഹായിക്കുമെന്ന് ആരോഗ്യ വിദഗ്ധർ പറയുന്നു. ഈ ഹോർമോണുകളുടെ ഉത്പാദനം പ്രകൃതിദത്തമായി വർദ്ധിപ്പിച്ച് മാനസികാരോഗ്യം മെച്ചപ്പെടുത്താൻ സഹായിക്കുന്ന 7 ഭക്ഷണങ്ങളാണ് പ്രധാനമായും ശ്രദ്ധിക്കേണ്ടത്. ഈ “ഫീൽ-ഗുഡ്” ഹോർമോണുകളുടെ ഉത്പാദനത്തെ പിന്തുണയ്ക്കുന്ന ഒമേഗ-3 ഫാറ്റി ആസിഡുകൾ ധാരാളമടങ്ങിയ ഭക്ഷണങ്ങൾ ഇതിൽ പ്രധാനമാണ്.
സാൽമൺ, അയല പോലുള്ള മത്സ്യങ്ങളിലും വാൽനട്ട്, ഫ്ളാക്സ് സീഡുകൾ തുടങ്ങിയ സസ്യാഹാരങ്ങളിലും ഇത് കാണപ്പെടുന്നു. കൂടാതെ, ചോറ്, പയറുവർഗ്ഗങ്ങൾ എന്നിവ പോലുള്ള കോംപ്ലക്സ് കാർബോഹൈഡ്രേറ്റുകൾ സെറോട്ടോണിൻ ഉത്പാദനത്തിന് ആവശ്യമായ ട്രിപ്റ്റോഫാൻ എന്ന അമിനോ ആസിഡിനെ ശരീരം വലിച്ചെടുക്കാൻ സഹായിക്കുന്നു. കോഴിയിറച്ചി, മുട്ട, പയർ ഉൽപ്പന്നങ്ങൾ എന്നിവയിൽ അടങ്ങിയ പ്രോട്ടീൻ ഡോപാമൈൻ ഉത്പാദനത്തിൽ നേരിട്ട് പങ്കുവഹിക്കുന്നു.
ഈ പട്ടികയിലെ മധുരമായ ഒരിനമാണ് ഡാർക്ക് ചോക്ലേറ്റ് (70% കൊക്കോ). ഇത് സെറോട്ടോണിൻ, എൻഡോർഫിൻ എന്നിവ പുറത്തുവിടാൻ തലച്ചോറിനെ പ്രേരിപ്പിക്കും. കൂടാതെ, തൈര്, കെഫീർ, കിംചി പോലുള്ള പ്രോബയോട്ടിക് ഭക്ഷണങ്ങൾ കഴിക്കുന്നത് കുടലിന്റെ ആരോഗ്യം നിലനിർത്താൻ സഹായിക്കും. ശരീരത്തിലെ 90% സെറോട്ടോണിനും കുടലിലാണ് ഉത്പാദിപ്പിക്കുന്നത് എന്നതിനാൽ കുടലും തലച്ചോറുമായി ശക്തമായ ബന്ധമുണ്ട്.
മാത്രമല്ല, ബെറികളും ഇലക്കറികളും പോലുള്ള വർണ്ണാഭമായ പഴങ്ങളും പച്ചക്കറികളും തലച്ചോറിലെ വീക്കം കുറയ്ക്കാൻ സഹായിക്കുന്നതിനൊപ്പം ഓർമ്മശക്തിയും മാനസികാവസ്ഥയും മെച്ചപ്പെടുത്തുന്നു. മഗ്നീഷ്യം, സിങ്ക് എന്നിവയാൽ സമ്പന്നമായ പരിപ്പുവർഗ്ഗങ്ങളും വിത്തുകളും (അണ്ടിപ്പരിപ്പ്, പംകിൻ സീഡ്സ്, ചിയാ സീഡ്സ്) സ്ട്രെസ് കുറയ്ക്കാനും സെറോട്ടോണിൻ നിയന്ത്രിക്കാനും സഹായിക്കുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
