ഹാലിഫാക്സ്/ഫ്രെഡറിക്റ്റൺ: നോവ സ്കോഷ്യ (NS), ന്യൂ ബ്രൺസ്വിക്ക് (NB) എന്നിവിടങ്ങളിലെ ആശുപത്രികളിൽ വെച്ച് ലൈംഗികാതിക്രമം നടത്തിയെന്ന ആരോപണത്തെ തുടർന്ന് ഡോക്ടർക്കെതിരെ കൂടുതൽ കേസുകൾ ചുമത്തി. ഡോക്ടർ സഞ്ജീവ് സിർപാലിനെതിരെയാണ് പുതിയതായി അഞ്ച് ലൈംഗികാതിക്രമ കേസുകൾ കൂടി ചുമത്തിയത്.
നേരത്തെ, ജനുവരിയിൽ ഒരു ആശുപത്രിയിലെ എമർജൻസി റൂമിൽ വെച്ച് രോഗിയെ ആക്രമിച്ച കേസിൽ ഇയാൾക്കെതിരെ കുറ്റം ചുമത്തിയിരുന്നു. ഡോക്ടർ എമർജൻസി റൂമുകളിൽ സേവനമനുഷ്ഠിച്ച സമയവുമായി ബന്ധപ്പെട്ടാണ് പുതിയ കേസുകൾ.പൊതുജനങ്ങളിൽ നിന്ന് ലഭിച്ച മറ്റ് റിപ്പോർട്ടുകളുടെയും കൂടുതൽ അന്വേഷണങ്ങളുടെയും അടിസ്ഥാനത്തിൽ നവംബർ 4-ന് ഡോക്ടറെ എഡ്മണ്ട്സ്റ്റൺ പോലീസ് ഫോഴ്സ് (ന്യൂ ബ്രൺസ്വിക്ക്) ആസ്ഥാനത്ത് വെച്ച് അറസ്റ്റ് ചെയ്തിരുന്നു.
സിർപാൽ മുമ്പ് ക്യുബെക്ക്, നോവ സ്കോഷ്യ, ന്യൂ ബ്രൺസ്വിക്ക് എന്നീ പ്രവിശ്യകളിൽ സേവനമനുഷ്ഠിച്ചിരുന്നു. അതിനാൽ, ഈ സ്ഥലങ്ങളിലെല്ലാം കൂടുതൽ ഇരകൾ ഉണ്ടാകാൻ സാധ്യതയുണ്ടെന്ന് പോലീസ് കരുതുന്നു. മുൻപ് ലൈസൻസ് റദ്ദാക്കി:നോവ സ്കോഷ്യ, ന്യൂ ബ്രൺസ്വിക്ക് എന്നിവിടങ്ങളിൽ ജോലി ചെയ്യുന്നതിന് മുമ്പ് ക്യുബെക്കിൽ ഇയാൾക്കെതിരെ അച്ചടക്ക നടപടി എടുത്തിരുന്നു.
2022-ൽ ക്യുബെക്കിലെ റെഗുലേറ്ററി കോളേജ് ഡോ. സിർപാലിന്റെ മെഡിക്കൽ ലൈസൻസ് റദ്ദാക്കിയിരുന്നു. തൻ്റെ വിദ്യാഭ്യാസ യോഗ്യതകളെക്കുറിച്ചും മുൻകാല നടപടികളെക്കുറിച്ചും തെറ്റായ വിവരങ്ങൾ നൽകിയതായി അന്ന് കണ്ടെത്തിയിരുന്നു.
എന്നാൽ, ക്യുബെക്കിലെ ലൈസൻസ് റദ്ദാക്കുമ്പോൾ തന്നെ ഡോ. സിർപാൽ ന്യൂ ബ്രൺസ്വിക്കിൽ ജോലി ചെയ്യുന്നുണ്ടായിരുന്നു എന്നും അദ്ദേഹത്തിൻ്റെ സേവനത്തിൽ അന്ന് പ്രശ്നങ്ങളൊന്നും റിപ്പോർട്ട് ചെയ്തിരുന്നില്ലെന്നും ന്യൂ ബ്രൺസ്വിക്ക് കോളേജ് ഓഫ് ഫിസിഷ്യൻസ് ആൻഡ് സർജൻസ് വ്യക്തമാക്കി. പരാതി നൽകാൻ ധൈര്യം കാണിച്ചവരെ അന്വേഷണ ഉദ്യോഗസ്ഥർ അഭിനന്ദിച്ചു, കൂടുതൽ ഇരകൾ ഉണ്ടെങ്കിൽ മുന്നോട്ട് വരണമെന്ന് പോലീസ് അഭ്യർത്ഥിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Doctor facing additional charges for alleged sex assaults at N.S. and N.B. hospitals
