ഡോർചെസ്റ്റർ: ന്യൂ ബ്രൺസ്വിക്കിലുള്ള ഡോർചെസ്റ്റർ പെനിറ്റൻഷ്യറിയിൽ സുരക്ഷാ ഉദ്യോഗസ്ഥർ നടത്തിയ കർശന പരിശോധനയിൽ ലക്ഷക്കണക്കിന് ഡോളർ വിലമതിക്കുന്ന മയക്കുമരുന്നുകളും നിരോധിത വസ്തുക്കളും പിടികൂടി. ജയിലിനുള്ളിലെ വിപണി മൂല്യമനുസരിച്ച് ഏകദേശം 2,81,700 കനേഡിയൻ ഡോളർ വിലവരുന്ന സാധനങ്ങളാണ് പിടിച്ചെടുത്തത്.
ക്രിസ്റ്റൽ മെത്താംഫെറ്റാമൈൻ (Crystal Meth), ടിഎച്ച്സി (THC), നിക്കോട്ടിൻ പാച്ചുകൾ എന്നിവയടങ്ങുന്ന പാഴ്സലുകളാണ് ജയിൽ അധികൃതർ കണ്ടെടുത്തത്. സംഭവത്തെക്കുറിച്ച് കറക്ഷണൽ സർവീസ് കാനഡ (CSC) അന്വേഷണം ആരംഭിക്കുകയും പോലീസിനെ വിവരമറിയിക്കുകയും ചെയ്തിട്ടുണ്ട്.
ജയിലുകളിലേക്ക് മയക്കുമരുന്നും മറ്റ് അനധികൃത വസ്തുക്കളും കടത്തുന്നത് തടയാൻ അയോൺ സ്കാനറുകളും സ്നിഫർ ഡോഗ്സുകളും (Drug-detector dogs) ഉൾപ്പെടെയുള്ള അത്യാധുനിക സംവിധാനങ്ങൾ ഉപയോഗിക്കുന്നുണ്ടെന്ന് സിഎസ്സി അറിയിച്ചു. സുരക്ഷാ ക്രമീകരണങ്ങൾ ഇനിയും ശക്തമാക്കാനാണ് അധികൃതരുടെ തീരുമാനം. ജയിലുകളിലെ മയക്കുമരുന്ന് കടത്തിനെക്കുറിച്ച് വിവരങ്ങൾ നൽകാൻ താല്പര്യമുള്ളവർക്കായി 1-866-780-3784 എന്ന ടോൾ ഫ്രീ നമ്പറും അധികൃതർ പുറത്തുവിട്ടിട്ടുണ്ട്.
Crystal meth, THC worth almost $300K seized at Dorchester Penitentiary
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
