“Project Steel” എന്ന വൻ ഓപ്പറേഷനിലൂടെ ഒന്റാറിയോ പ്രൊവിൻഷ്യൽ പോലീസ് ശിശു ചൂഷണത്തിനെതിരെ നടത്തിയ നടപടികളിൽ വാട്ടർലൂ മേഖലയിൽ നിന്ന് നാല് പ്രതികൾ പിടിയിലായി
കിച്ചനർ, വാട്ടർലൂ, കേംബ്രിഡ്ജ് എന്നിവിടങ്ങളിൽ നിന്നുള്ള ഈ പ്രതികൾക്കെതിരെ ശിശു അശ്ലീല ചിത്രങ്ങൾ കൈവശം വെയ്ക്കൽ, നിർമ്മാണം, ലൈംഗികാതിക്രമം തുടങ്ങിയ കുറ്റങ്ങളാണ് ചുമത്തിയിരിക്കുന്നത്. കിച്ചനറിൽ നിന്നുള്ള ഒരു പ്രതിക്കെതിരെ മാത്രം 12 വ്യത്യസ്ത കുറ്റങ്ങൾ!
ഈ ദേശീയ തല ഓപ്പറേഷനിൽ ഒന്റാറിയോയിലാകെ 40 പേരെ അറസ്റ്റ് ചെയുകയും അവർക്കെതിരെ വാറന്റ് പുറപ്പെടുവിയ്ക്കുകയും ചെയ്തു . 151 കുറ്റങ്ങൾ ചുമത്തിയ ഈ ഓപ്പറേഷനിൽ പോലീസ് 31 ഇരകളെ കണ്ടെത്തുകയും 20 കുട്ടികളെ രക്ഷിക്കുകയും ചെയ്തു. 686 ഇലക്ട്രോണിക് ഉപകരണങ്ങളും പിടിച്ചെടുത്തു.പ്രതികളിൽ നേരത്തെ ലൈംഗിക കുറ്റകൃത്യങ്ങൾ ചെയ്ത ഒരാളും ഉൾപ്പെടുന്നുണ്ട്. ഇയാളുടെ ഉപകരണങ്ങളിൽ നിന്ന് പൊതുസ്ഥലത്ത് ഒരു കുട്ടിക്കെതിരായ ലൈംഗികാക്രമണത്തിന്റെ തെളിവുകളും ലഭിച്ചു
