സസ്കാറ്റൂൺ: നഗരത്തിലെ ജനവാസ മേഖലയായ മോവറ്റ് ക്രസന്റിൽ നിയന്ത്രണം വിട്ട കാർ വീടിന്റെ ഭിത്തിയിലിടിച്ച് തകർന്നു. വെള്ളിയാഴ്ച ഉച്ചയ്ക്ക് 11:40-ഓടെയാണ് സംഭവം. ഡ്രൈവർക്ക് പെട്ടെന്നുണ്ടായ ശാരീരിക അസ്വസ്ഥതയാണ് (Medical event) അപകടത്തിന് കാരണമായതെന്ന് പോലീസ് സ്ഥിരീകരിച്ചു.
300 ബ്ലോക്ക്, മോവറ്റ് ക്രസന്റിൽ ആണ് അമിതവേഗതയിലെത്തിയ ഫോർഡ് ഫ്യൂഷൻ കാർ നിയന്ത്രണം വിട്ട് വീടിന്റെ ഭിത്തിയിലേക്ക് ഇടിച്ചു കയറുകയും വശത്തേക്ക് മറിയുകയും ചെയ്തത്. അപകടസമയത്ത് വീട്ടിൽ ആളുകൾ ഉണ്ടായിരുന്നെങ്കിലും ആർക്കും പരിക്കേറ്റില്ല എന്നത് വലിയ ആശ്വാസമായി. കാർ ഓടിച്ചിരുന്ന ഡ്രൈവർക്കും ഗുരുതരമായ പരിക്കുകളില്ല.
ഡ്രൈവർക്ക് പെട്ടെന്നുണ്ടായ ആരോഗ്യപ്രശ്നമാണ് അപകടത്തിലേക്ക് നയിച്ചതെന്ന് ബോധ്യപ്പെട്ടതിനാൽ, ഇയാൾക്കെതിരെ നിലവിൽ കേസുകളൊന്നും ചാർജ് ചെയ്തിട്ടില്ലെന്ന് സസ്കാറ്റൂൺ പോലീസ് സർവീസ് അറിയിച്ചു.
🍁കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/Ghtm5bIjsVN8SItyDlaj3Q?mode=gi_t
Car crashes into Saskatoon home after driver suffers medical event
