മേയ് 2022-നു ശേഷമുള്ള ഏറ്റവും ഉയർന്ന നിരക്ക്.
അമേരിക്കയുടെ താരിഫ് ഭീഷണികൾക്കിടയിലും കാനഡയുടെ കയറ്റുമതിയിലും ഇറക്കുമതിയിലും വർദ്ധനവ്.
ജനുവരിയിലെകാനഡയുടെ ചരക്ക് വ്യാപാര വർദ്ധനം 4 ബില്യൺ ഡോളറായി ഉയർന്നു, ഇത് 2022 മേയ് മാസത്തിനു ശേഷമുള്ള ഏറ്റവും ഉയർന്ന നിരക്കാണ്. അമേരിക്കയുടെ താരിഫ് ഭീഷണികൾക്കിടയിലും കയറ്റുമതിയും ഇറക്കുമതിയും വർധിച്ചതായി സ്റ്റാറ്റിസ്റ്റിക്സ് കാനഡ റിപ്പോർട്ട് ചെയ്തു.
റിപ്പോർട്ട് അനുസരിച്ച്, കാനഡയുടെ കയറ്റുമതി 5.5% വർധിച്ച് റെക്കോർഡായ 74.5 ബില്യൺ ഡോളറിലെത്തി. ഈ വർധനവിന് പ്രധാന കാരണം മോട്ടോർ വാഹനങ്ങളുടെയും അവയുടെ ഭാഗങ്ങളുടെയും കയറ്റുമതിയിലുണ്ടായ 12.5% വർധനവാണ്. പ്രത്യേകിച്ച്, യാത്രാ കാറുകളുടെയും ലൈറ്റ് ട്രക്കുകളുടെയും കയറ്റുമതി 17.1% വർധിച്ചു.
ഊർജ്ജ ഉൽപ്പന്നങ്ങളുടെ കയറ്റുമതിയും 4.8% വർധിച്ചു. എണ്ണയുടെയും പ്രകൃതി വാതകത്തിന്റെയും വിലകൾ ഉയർന്നതാണ് ഈ വർധനവിന് പിന്നിൽ. വാഹന വ്യവസായത്തിലെ ശക്തമായ വളർച്ചയും ഊർജ്ജ മേഖലയിലെ പുരോഗതിയും കാനഡയുടെ കയറ്റുമതി സാഹചര്യത്തെ മെച്ചപ്പെടുത്തിയതായി വിലയിരുത്തപ്പെടുന്നു.
