അമേരിക്കയുടെ വ്യാപരയുദ്ധത്തിന് പിന്നാലെ ആഗോളവിപണി വലിയ പ്രതിസന്ധിയിലൂടെയാണ് കടന്ന് പോകുന്നത്. ഓഹരി വിപണികളും ക്രൂഡ് ഓയിൽ വിലയും ഇടിഞ്ഞു. എന്നാൽ, സമീപകാല ആഗോള പ്രതിസന്ധികൾക്കിടയിലും കനേഡിയൻ എണ്ണ, വാതക കമ്പനികൾക്ക് പിടിച്ചുനിൽക്കാൻ സാധിച്ചു.
2025 ലെ ഫിനാൻഷ്യൽ ടൈംസ് റാങ്കിംഗ് അനുസരിച്ച്, സാറ്റേൺ ഓയിൽ ആൻഡ് ഗ്യാസ്, സ്റ്റാംപീഡ് ഡ്രില്ലിംഗ്, ആരോ എക്സ്പ്ലോറേഷൻ എന്നിവ അമേരിക്കയിലെ ഏറ്റവും വേഗത്തിൽ വളരുന്ന 100 കമ്പനികളിൽ ഉൾപ്പെടുന്നു. 2020 നും 2023 നും ഇടയിൽ 353 ശതമാനം സംയുക്ത വാർഷിക വളർച്ചാ നിരക്ക് രേഖപ്പെടുത്തിയതിന് ശേഷം, മേഖലയിലെ വ്യവസായത്തിലെ ഏറ്റവും വേഗത്തിൽ വളരുന്ന കമ്പനിയായിരുന്നു സാറ്റേൺ. നിലവിൽ ഈ കമ്പനി അഞ്ചാം സ്ഥാനത്താണ്.
അമേരിക്കൻ പ്രസിഡന്റ് ഡൊണാൾഡ് ട്രംപ് നിരവധി താരിഫ് ഭീഷണികൾ പുറപ്പെടുവിച്ചതിന് പിന്നാലെ ഏപ്രിൽ തുടക്കം മുതൽ 10 ശതമാനത്തിലധികം ഇടിവാണുണ്ടായത്. മാർച്ചിൽ, ട്രംപ് കനേഡിയൻ ഉൽപ്പന്നങ്ങൾക്ക് നിരവധി താരിഫുകൾ ഏർപ്പെടുത്തി, അതിൽ ഊർജ്ജ, പൊട്ടാഷ് കയറ്റുമതികളിൽ 10 ശതമാനം ലെവിയും ഉൾപ്പെടുന്നു. യുഎസ്, കാനഡ, മെക്സിക്കോ വ്യാപാര കരാർ വഴി ഇളവ് നൽകി ട്രംപ് ഉടൻ തന്നെ പിന്മാറി. ആഴ്ചകൾക്കുശേഷം, വ്യാപകമായ താരിഫുകൾക്കായുള്ള അദ്ദേഹത്തിന്റെ പദ്ധതികൾ രണ്ട് ദിവസത്തെ $5.4 ട്രില്യൺ ആഗോള വിപണിയിലെ തകർച്ചയ്ക്ക് കാരണമായി, ഇത് സാറ്റേണിന്റെ ഓഹരി വിലയെ 12 ശതമാനം താഴ്ത്തി.
ലോകത്തിലെ മൂന്നാമത്തെ വലിയ എണ്ണ ശേഖരമുള്ള കാനഡ, യുഎസിന്റെ ഏറ്റവും വലിയ വിദേശ വിതരണക്കാരനാണ്, അതിന്റെ എണ്ണ ഇറക്കുമതിയുടെ 60 ശതമാനവും ആണ്. 2022-ൽ പ്രതിദിനം 7,500 ബാരലായിരുന്ന സാറ്റേണിന്റെ ഉത്പാദനം 2024 അവസാനത്തോടെ 41,900 ബാരൽ പ്രതിദിനം ആയി ഉയർന്നു. അതായത് വ്യാപരയുദ്ധത്തിനിടയിലും പിടിച്ചുനിൽക്കാൻ കാനഡയിലെ എണ്ണ വിപണിക്കായി എന്നതാണ് വാസ്തവം.
