കനേഡിയൻ ഉപയോക്താക്കൾക്ക് നൽകുന്ന നിർദ്ദിഷ്ട ഡിജിറ്റൽ സേവനങ്ങളിൽ നിന്നുള്ള വരുമാനത്തിന്മേലുള്ള 3% നികുതിയാണ് കാനഡയുടെ ഡിജിറ്റൽ സേവന നികുതി (DST). ഇത് ഡിജിറ്റൽ സേവന നികുതി നിയമത്തിലൂടെയാണ് നടപ്പിലാക്കുന്നത്. 2024 ജൂൺ 20-ന് ഡിജിറ്റൽ സേവന നികുതി ഈടാക്കുന്നതിന് അംഗീകാരം ലഭിക്കുകയും 2024 ജൂൺ 28-ന് പ്രാബല്യത്തിൽ വരികയും ചെയ്തു. പ്രതിവർഷം €750 മില്യൺ (~US$801 മില്യൺ) ആഗോള വരുമാനവും കനേഡിയൻ ഡിജിറ്റൽ സേവന വരുമാനവും C$20 മില്യൺ (~US$14.8 മില്യൺ) കവിയുന്ന വലിയ ബിസിനസുകളെയാണ് ഇത് ലക്ഷ്യമിടുന്നത്.
2022 ജനുവരി 1 മുതൽ നേടിയ വരുമാനത്തിന് മുൻകാല പ്രാബല്യത്തോടെ നികുതി ബാധകമാണ്, ആദ്യ പേയ്മെന്റ് 2025 ജൂൺ 30-നകം അവസാനിക്കും. ഇത് നാല് വരുമാന വിഭാഗങ്ങളെയാണ് ഉൾക്കൊള്ളുന്നത്. ഓൺലൈൻ മാർക്കറ്റ്പ്ലെയ്സ് സേവനങ്ങൾ, ഓൺലൈൻ പരസ്യം (ഉദാ. ഗൂഗിൾ), സോഷ്യൽ മീഡിയ സേവനങ്ങൾ, കനേഡിയൻ ഉപയോക്തൃ ഡാറ്റയുടെ വിൽപ്പന അല്ലെങ്കിൽ ലൈസൻസിംഗ് എന്നിവയാണ് ഈ വിഭാഗങ്ങൾ.
അമേരിക്കൻ ടെക് കമ്പനികളെയാണ് ഈ നികുതി ഏറ്റവും കൂടുതൽ ബാധിക്കാൻ പോകുന്നത്. ഈ നികുതി പ്രകാരം, ആമസോൺ, ഗൂഗിൾ, മെറ്റാ, ഊബർ, എയർബിഎൻബി തുടങ്ങിയ അമേരിക്കൻ വെബ് ഭീമന്മാർ കനേഡിയൻ ഉപയോക്താക്കളിൽ നിന്നുള്ള വരുമാനത്തിന്റെ മൂന്ന് ശതമാനം നികുതിയായി നൽകണം. ജൂൺ 30-ന് പ്രാബല്യത്തിൽ വരുന്ന ഈ നയം മുൻകാല പ്രാബല്യത്തോടെയാണ് നടപ്പാക്കുന്നത്. ഇത് പ്രകാരം അമേരിക്കൻ കമ്പനികൾക്ക് ഏകദേശം 2 ബില്യൺ യുഎസ് ഡോളറിന്റെ ബിൽ ഈ മാസാവസാനം അടയ്ക്കേണ്ടിവരും. അതുകൊണ്ടുതന്നെ DSTയെ ചൊല്ലി കാനഡയോട് ഇടഞ്ഞിരിക്കുകയാണ് അമേരിക്കൻ പ്രസിഡന്റ് ഡോണൾഡ് ട്രംപ്. കാനഡയുമായുള്ള എല്ലാ വ്യാപാര ചർച്ചകളും ഉടനടി അവസാനിപ്പിച്ചതായാണ് ട്രംപ് പ്രഖ്യാപിച്ചത്.
