കാനഡയിലെ പ്രധാന നഗരങ്ങളിൽ അനധികൃത കുടിയേറ്റക്കാരുടെ എണ്ണം വർധിക്കുന്നതായി റിപ്പോർട്ട്. രാജ്യത്തിന്റെ അവസാനത്തെ സെൻസസ് പ്രകാരം, കാനഡയിലെ ജനസംഖ്യയുടെ 23% (8.3 ദശലക്ഷം) കുടിയേറ്റക്കാരാണ്. എന്നാൽ, നിയമപരമായ കുടിയേറ്റത്തിന് പുറമെ, നിയമപരമായ രേഖകളില്ലാതെ കാനഡയിൽ താമസിക്കുന്ന ആളുകളുടെ എണ്ണവും വർധിച്ചുവരികയാണ്.
2023-ലെ കണക്കുകൾ പ്രകാരം, കാനഡയിൽ 300,000 മുതൽ 600,000 വരെ അനധികൃത കുടിയേറ്റക്കാരുണ്ടെന്ന് ഇമിഗ്രേഷൻ മന്ത്രി മാർക്ക് മില്ലർ അഭിപ്രായപ്പെട്ടിരുന്നു. 2025-ൽ ഈ എണ്ണം 1 ദശലക്ഷം വരെയാകാൻ സാധ്യതയുണ്ടെന്നും റിപ്പോർട്ടുകൾ സൂചിപ്പിക്കുന്നു.
കൂടുതൽ കുടിയേറ്റക്കാർ എത്താൻ സാധ്യതയുള്ള കാനഡയിലെ 10 നഗരങ്ങൾ പരിശോധിക്കാം
ടൊറന്റോ: കാനഡയിലെ ഏറ്റവും വലിയ നഗരമായ ടൊറന്റോയിൽ രാജ്യത്തെ 50% അനധികൃത കുടിയേറ്റക്കാരുണ്ടെന്നാണ് കണക്കാക്കുന്നത്. ഇവർക്ക് നഗരസഭയുടെ സേവനങ്ങൾ ലഭ്യമാക്കാൻ 2013-ൽ ടൊറന്റോ “ആക്സസ് ടു സിറ്റി സർവീസസ് ഫോർ അൺഡോക്യുമെന്റഡ് ടൊറന്റോണിയൻസ്” (Access to City Services for Undocumented Torontonians) എന്ന പേരിൽ ഒരു നയം രൂപീകരിച്ചിട്ടുണ്ട്.
വാൻകൂവർ: 41.8% കുടിയേറ്റ ജനസംഖ്യയുള്ള വാൻകൂവറിലും അനധികൃത കുടിയേറ്റക്കാരുടെ എണ്ണം കൂടുതലാണ്. “ആക്സസ് വിത്തൗട്ട് ഫിയർ” (Access Without Fear) എന്ന പേരിൽ ഇവർക്ക് നഗരസഭയുടെ സേവനങ്ങൾ ലഭ്യമാക്കാൻ 2016-ൽ വാൻകൂവർ നയം നടപ്പാക്കി.
മോൺട്രിയൽ: ക്യുബെക്കിലെ പ്രധാന നഗരമായ മോൺട്രിയൽ 24.3% കുടിയേറ്റ ജനസംഖ്യയുള്ള ഒരു ‘സെങ്ച്വറി സിറ്റി’യാണ്. 2017-ൽ നഗരം നടപ്പാക്കിയ മുനിസിപ്പൽ ഐഡി കാർഡ് പ്രോഗ്രാം അനധികൃത കുടിയേറ്റക്കാർക്ക് സേവനങ്ങൾ ലഭ്യമാക്കുന്നു.
കാൽഗറി: 31.5% കുടിയേറ്റ ജനസംഖ്യയുള്ള ആൽബെർട്ടയിലെ ഈ നഗരം, എണ്ണ, വാതക വ്യവസായങ്ങളിൽ തൊഴിൽ സാധ്യതകൾ നൽകുന്നു.
എഡ്മണ്ടൺ: 26% കുടിയേറ്റ ജനസംഖ്യയുള്ള ആൽബെർട്ടയുടെ തലസ്ഥാനമായ എഡ്മണ്ടൺ നിർമാണമേഖലയിലും മറ്റ് സേവന മേഖലകളിലും അനധികൃത കുടിയേറ്റക്കാർക്ക് തൊഴിൽ നൽകുന്നു.
ഒട്ടാവ-ഗാറ്റിന്യൂ: കാനഡയുടെ തലസ്ഥാനമായ ഈ പ്രദേശത്ത് ഏകദേശം 25% കുടിയേറ്റക്കാരുണ്ട്. സർക്കാർ, സാങ്കേതിക മേഖലകളിൽ ഇവർക്ക് തൊഴിൽ സാധ്യതകളുണ്ട്.
വിന്നിപെഗ്: 25.4% കുടിയേറ്റ ജനസംഖ്യയുള്ള വിന്നിപെഗ്, സ്വാഗതമനോഭാവമുള്ള സമൂഹങ്ങൾക്കും വൈവിധ്യമാർന്ന സമ്പദ്വ്യവസ്ഥയ്ക്കും പേരുകേട്ടതാണ്.
ഹാമിൽട്ടൺ: 25.6% കുടിയേറ്റക്കാരുള്ള ഈ നഗരം, നിർമാണമേഖലയിലും മറ്റ് വ്യവസായങ്ങളിലും തൊഴിൽ സാധ്യതകൾ നൽകുന്നു.
കിച്ച്നർ-കേംബ്രിഡ്ജ്-വാട്ടർലൂ: 25.8% കുടിയേറ്റ ജനസംഖ്യയുള്ള ഈ പ്രദേശം ഒരു സാങ്കേതിക ഹബ്ബാണ്.
ലണ്ടൻ: 20% കുടിയേറ്റ ജനസംഖ്യയുള്ള ലണ്ടൻ, വിദ്യാഭ്യാസം, ആരോഗ്യസംരക്ഷണം തുടങ്ങിയ മേഖലകളിൽ തൊഴിൽ സാധ്യതകൾ നൽകുന്നു.
Top 10 Cities In Canada With Highest Number of Illegal Immigrants
