കാനഡയിലെ പ്രധാനപ്പെട്ട മൂന്ന് ഫെഡറൽ പാർലമെന്റ് മണ്ഡലങ്ങളിൽ ജനവിധി തേടി ഉപതിരഞ്ഞെടുപ്പിന്റെ വോട്ടെടുപ്പ് ആരംഭിച്ചു. ടൊറന്റോയിലെ ബീച്ചസ്-ഈസ്റ്റ് യോർക്ക്, വാങ്കൂവറിലെ നോർത്ത് വാങ്കൂവർ-കാപ്പിലാനോ, ഗ്രാമീണ ക്യുബെക്കിലെ ഷിക്കോട്ടിമി-ലെ ഫിയോർഡ് എന്നീ മണ്ഡലങ്ങളിലാണ് ഇന്നു വോട്ടെടുപ്പ് നടക്കുന്നത്. മുൻ കാബിനറ്റ് മന്ത്രിമാരായ നേറ്റ് എർസ്കൈൻ-സ്മിത്ത്, ജോനാഥൻ വിൽക്കിൻസൺ എന്നിവരുടെ രാജി മൂലം ഒഴിവുവന്ന സീറ്റുകളിലാണ് ആദ്യ രണ്ടു മണ്ഡലങ്ങളിൽ തിരഞ്ഞെടുപ്പ് നടക്കുന്നത്. എന്നാൽ, ക്യുബെക്കിലെ ഷിക്കോട്ടിമി-ലെ ഫിയോർഡ് മണ്ഡലത്തിലെ പോരാട്ടമാണ് ഇപ്പോൾ രാജ്യത്തുടനീളം വലിയ രാഷ്ട്രീയ ശ്രദ്ധയാകർഷിക്കുന്നത്.
ഷിക്കോട്ടിമി-ലെ ഫിയോർഡ് മണ്ഡലത്തിൽ നിന്നും തിരഞ്ഞെടുക്കപ്പെട്ടിരുന്ന കൺസർവേറ്റീവ് പാർട്ടി എം.പി റിച്ചാർഡ് മാർടെൽ, സെനറ്റിലേക്ക് നിയമിതനായതിനെ തുടർന്നാണ് ഇവിടെ ഉപതിരഞ്ഞെടുപ്പ് ആവശ്യമായി വന്നത്. 2025-ൽ നടന്ന വാശിയേറിയ ത്രികോണ മത്സരത്തിൽ ലിബറൽ, ബ്ലോക്ക് ക്യുബെക്വ സ്ഥാനാർത്ഥികളെ വെറും 1,500 വോട്ടുകളുടെ നേരിയ ഭൂരിപക്ഷത്തിനാണ് മാർടെൽ പരാജയപ്പെടുത്തിയത്. അതിനാൽ തന്നെ ഇത്തവണ കടുത്ത പോരാട്ടമാണ് ഇവിടെ നടക്കുന്നത്.
ഈ ഉപതിരഞ്ഞെടുപ്പ് ഫലം പ്രതിപക്ഷ നേതാവ് പിയറി പൊയ്ലിവ്രെയുടെ രാഷ്ട്രീയ ഭാവിയെ സംബന്ധിച്ച് അതിനിർണ്ണായകമാണെന്ന് രാഷ്ട്രീയ നിരീക്ഷകർ വിലയിരുത്തുന്നു. മക്ഗിൽ സർവ്വകലാശാലയിലെ പൊളിറ്റിക്കൽ സയൻസ് പ്രൊഫസറായ ഡാനിയൽ ബെലാന്ദ് ചൂണ്ടിക്കാണിക്കുന്നത്, ഈ പരമ്പരാഗത സീറ്റ് നിലനിർത്താൻ കൺസർവേറ്റീവ് പാർട്ടിക്ക് കഴിഞ്ഞില്ലെങ്കിൽ, അത് പിയറി പൊയിലീവറിന്റെ നേതൃത്വത്തിന് കനത്ത തിരിച്ചടിയാകുമെന്നാണ്. പാർട്ടി നേതാവ് എന്ന നിലയിൽ അദ്ദേഹത്തിന്റെ ജനപ്രീതിയെയും പ്രവർത്തനക്ഷമതയെയും ചോദ്യം ചെയ്യുന്ന തരത്തിലുള്ള രാഷ്ട്രീയ ചർച്ചകൾക്ക് ഇത് വഴിവെക്കുമെന്നും അദ്ദേഹം വ്യക്തമാക്കുന്നു.
Canada By-Elections: Key Test for Poilievre & Conservatives
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
