അടച്ചുപൂട്ടലിന്റെ വക്കിലായിരുന്ന ഒന്റാറിയോയിലെ ഒരു ചെറുകിട ബിസിനസ്, വൈറൽ ആയ ഒരു റെഡിറ്റ് പോസ്റ്റ് കാരണം രാജ്യവ്യാപകമായി പിന്തുണ ഉയർന്നപ്പോൾ അപ്രതീക്ഷിതമായൊരു പുതിയ അധ്യായത്തിനാണ് തുടക്കമായത്.
പിക്കറിംഗിലെ അകിസ് ഫൈൻ ഫുഡ്സിന്റെ ഉടമ ഷെനുൽ വില്യംസ്, 38 വർഷം പാരമ്പര്യമുള്ള തന്റെ കോണ്ടിമെന്റ് ബിസിനസ് കാനഡയും യു.എസും തമ്മിൽ നിലനിൽക്കുന്ന ട്രേഡ് യുദ്ധമായി ബന്ധപ്പെട്ട് ചേരുവകളുടെ വില വർധനവ് കാരണം അടച്ചുപൂട്ടേണ്ടി വരുമെന്ന് ഭയന്നിരുന്നു. എന്നാൽ, അവരുടെ മകൾ അലിസ ‘Buy Canadian’ റെഡിറ്റ് പേജിൽ ഹൃദയസ്പർശിയായ ഒരു അഭ്യർത്ഥന നടത്തുകയുണ്ടായി, അതിന് ശേഷം പ്രാദേശിക ബിസിനസുകളെ പിന്തുണയ്ക്കാൻ ആഗ്രഹിക്കുന്ന കാനഡക്കാരിൽ നിന്ന് ഒഴുകിയെത്തിയ ഓർഡറുകൾ ബിസിനസിൽ അതിശയകരമായ മാറ്റമുണ്ടാക്കി.
കുടുംബ നടത്തിപ്പിലുള്ള ഈ ഇന്തോ-ആഫ്രിക്കൻ കോണ്ടിമെന്റ് കമ്പനിയുടെ വെല്ലുവിളികൾ ഹൈലൈറ്റ് ചെയ്ത പോസ്റ്റ് പെട്ടെന്ന് തന്നെ പ്രചാരം നേടി, ഏകദേശം രണ്ട് മില്യൺ ഇംപ്രഷനുകൾ സൃഷ്ടിക്കുകയും ആയിരക്കണക്കിന് കമന്റുകളും ഷെയറുകളും ജനറേറ്റ് ചെയ്യുകയും ചെയ്തു. ഒരു സാധാരണ സോഷ്യൽ മീഡിയ പോസ്റ്റായി തുടങ്ങിയത് രാജ്യവ്യാപകമായ ഒരു ചർച്ചയായി മാറി, പുതിയ ഉപഭോക്താക്കൾ അകിസ് ഫൈൻ ഫുഡ്സിലേക്ക് ഓർഡറുകളുമായി എത്തി.
വെൽച്ച് ഫേസ്ബുക്കിലേക്കും ഇൻസ്റ്റാഗ്രാമിലേക്കും കൂടി ക്യാമ്പെയിൻ വ്യാപിപ്പിച്ചതോടെ, ഇത് പ്രചാരണത്തിന് കൂടുതൽ ഊർജ്ജം പകർന്നു.പ്രതികരണം അത്രക്കും ഗംഭീരമായിരുന്നു, അവരുടെ ഓൺലൈൻ സ്റ്റോർ 6,000% വിൽപ്പന വർദ്ധനവ് ഉണ്ടാകുകയും, അവരുടെ ഉൽപ്പന്നങ്ങൾ സ്റ്റോക്ക് ചെയ്യാൻ താൽപ്പര്യമുള്ള റീട്ടെയിലർമാരുടെ താൽപ്പര്യം വർദ്ധിക്കുകയും ചെയ്തു.
ഈ പിന്തുണയുടെ പ്രവാഹം വില്യംസിന്റെ ജീവിതം തന്നെ മാറ്റിമറിച്ചു. “ഞാൻ കമന്റുകൾ വായിക്കുകയായിരുന്നു, അവർ പറഞ്ഞു, ‘തുടരുക, ഞങ്ങൾ നിങ്ങളുടെ ഉൽപ്പന്നം ഇഷ്ടപ്പെടുന്നു,’ ആ വാക്കുകൾ എനിക്ക് വീണ്ടും മുന്നോട്ട് പോകാൻ ഊർജ്ജം തന്നു,” കണ്ണുനീരോടെ അവർ പറഞ്ഞു. ഇപ്പോൾ ഓരോ ഓർഡറിലും കൈകൊണ്ടെഴുതിയ നന്ദി കുറിപ്പ് ഉൾപ്പെടുത്തുന്നു, അവരുടെ സ്വപ്നം നിലനിർത്താൻ സഹായിച്ച ഉപഭോക്താക്കൾക്കുള്ള ഒരു ചെറിയ നന്ദി സൂചകമായി.
വിദഗ്ധർ ചൂണ്ടിക്കാട്ടുന്നത്, ട്രേഡ് വാർ കനേഡിയൻ ദേശസ്നേഹത്തിന്റെ ഒരു തരംഗം സൃഷ്ടിച്ചിട്ടുണ്ടെന്നാണ്, ഉപഭോക്താക്കൾ സജീവമായി പ്രാദേശിക ബിസിനസുകളെ പിന്തുണയ്ക്കാൻ ശ്രമിക്കുന്നു. സാമ്പത്തിക സമ്മർദ്ദങ്ങൾ ഒടുവിൽ ഈ ആവേശം കുറയ്ക്കുമെന്ന് വിശകലന വിദഗ്ധർ മുന്നറിയിപ്പ് നൽകുമ്പോഴും, വില്യംസിന്റെ കഥ ചെറുകിട ബിസിനസുകൾ അതിജീവിക്കാൻ സഹായിക്കുന്നതിൽ സോഷ്യൽ മീഡിയയുടെ ശക്തി ഹൈലൈറ്റ് ചെയ്യുന്നു. അകി’സ് ഫൈൻ ഫുഡ്സിന്, ഒരിക്കൽ അവസാനിച്ചുവെന്നു തോന്നിയിടത്തു നിന്നും ഇപ്പോൾ കാനഡക്കാരുടെ കൂട്ടായ പിന്തുണയാൽ ഒരു പുതിയ തുടക്കമായി മാറിയിരിക്കുന്നു.
