വാൻകൂവർ: ബ്രിട്ടീഷ് കൊളംബിയയിൽ ഡോക്ടർമാരുടെ രൂക്ഷമായ ക്ഷാമത്തെത്തുടർന്ന് പ്രമുഖ ആശുപത്രികളുടെ പ്രവർത്തനത്തിൽ നിയന്ത്രണം ഏർപ്പെടുത്തി. മിഷൻ മെമ്മോറിയൽ ഹോസ്പിറ്റലിലെ എമർജൻസി വാർഡുകൾ രാത്രികാലങ്ങളിൽ അടച്ചിടാനും, പീസ് ആർച്ച് ഹോസ്പിറ്റലിൽ പ്രസവചികിത്സാ സേവനങ്ങൾ താൽക്കാലികമായി നിർവെക്കാനും ഫ്രേസർ ഹെൽത്ത് അതോറിറ്റി തീരുമാനിച്ചു.
മിഷൻ മെമ്മോറിയൽ ഹോസ്പിറ്റൽ തിങ്കളാഴ്ച മുതൽ തുടർച്ചയായി ഒൻപത് ദിവസത്തേക്ക് ഇവിടുത്തെ എമർജൻസി വിഭാഗം (ER) പകൽ 8 മണി മുതൽ വൈകിട്ട് 6 മണി വരെ മാത്രമേ പ്രവർത്തിക്കൂ. ജനുവരി 7-ന് രാവിലെ 8 മണിക്ക് മാത്രമേ 24 മണിക്കൂർ സേവനം പുനരാരംഭിക്കുകയുള്ളൂ. ഈ വർഷം ഇത് ആറാം തവണയാണ് സ്റ്റാഫ് കുറവ് മൂലം ഇവിടെ എമർജൻസി വിഭാഗം അടച്ചിടുന്നത്.
പീസ് ആർച്ച് ഹോസ്പിറ്റലിൽ ഡിസംബർ 29 രാവിലെ 8 മണി മുതൽ ജനുവരി 1 രാവിലെ 8 മണി വരെ പ്രസവചികിത്സാ സേവനങ്ങൾ ലഭ്യമാകില്ല. ഒബ്സ്റ്റട്രിഷ്യൻ-ഗൈനക്കോളജിസ്റ്റ് വിദഗ്ധരുടെ താൽക്കാലിക കുറവാണ് ഇതിന് കാരണം. ഇക്കാലയളവിൽ പ്രസവത്തിനായി എത്തുന്നവരെ മറ്റ് ആശുപത്രികളിലേക്ക് മാറ്റും.
രാത്രികാലങ്ങളിൽ അത്യാഹിതങ്ങൾ സംഭവിക്കുകയാണെങ്കിൽ പതിവുപോലെ 911 എന്ന നമ്പറിൽ വിളിക്കണമെന്ന് അധികൃതർ നിർദ്ദേശിച്ചു. പാരാമെഡിക്കൽ ജീവനക്കാർ സ്ഥിതിഗതികൾ വിലയിരുത്തി രോഗികളെ അടുത്തുള്ള ആബട്ട്സ്ഫോർഡ് റീജിയണൽ ഹോസ്പിറ്റലിലേക്കോ റിഡ്ജ് മെഡോസ് ഹോസ്പിറ്റലിലേക്കോ മാറ്റും.
ഡോക്ടർമാരുടെ കുറവ് പ്രവിശ്യയിലുടനീളമുള്ള വലിയ പ്രശ്നമാണെന്ന് ഫ്രേസർ ഹെൽത്ത് വൈസ് പ്രസിഡന്റ് ഡോ. റാൽഫ് ബെല്ലെ പറഞ്ഞു. മിഷൻ മെമ്മോറിയൽ ഹോസ്പിറ്റലിലെ നവീകരണ പ്രവർത്തനങ്ങളും ഡോക്ടർമാരെ നിയമിക്കുന്നതിലെ പ്രായോഗിക ബുദ്ധിമുട്ടുകളും സ്ഥിതി സങ്കീർണ്ണമാക്കുന്നു. എങ്കിലും, പുതിയ ഡോക്ടർമാരെ നിയമിക്കാനുള്ള നടപടികൾ ഊർജ്ജിതമായി നടക്കുന്നുണ്ടെന്നും ജനുവരി മുതൽ സ്ഥിതി മെച്ചപ്പെടുമെന്നും അധികൃതർ അറിയിച്ചു.
ഈ തീരുമാനത്തിൽ ജനങ്ങൾക്കിടയിൽ ആശങ്കയുണ്ടെങ്കിലും, ലഭ്യമായ ജീവനക്കാരെ വെച്ച് കൃത്യമായ സേവനം ഉറപ്പാക്കാനാണ് പ്രവർത്തന സമയം കുറച്ചതെന്നാണ് നഗരസഭയുടെയും ആരോഗ്യവകുപ്പിന്റെയും വിശദീകരണം.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Maternity diversions, overnight ER closures coming to 2 hospitals in B.C.’s Lower Mainland
