ബ്രിട്ടീഷ് കൊളംബിയ: ബ്രിട്ടീഷ് കൊളംബിയയിൽ പ്രവർത്തിക്കുന്ന പ്രമുഖ സന്നദ്ധ സംഘടനയായ ‘അതിര വിമൻസ് റിസോഴ്സ് സൊസൈറ്റി’യുടെ കീഴിലുള്ള മൂന്ന് ഡേകെയർ സെന്ററുകൾ അടച്ചുപൂട്ടുന്നു. പ്രവിശ്യാ സർക്കാരിന്റെ ഫണ്ടിംഗ് മോഡലിലെ പോരായ്മകളും ശമ്പളത്തെച്ചൊല്ലിയുള്ള തർക്കവുമാണ് ഈ കടുത്ത തീരുമാനത്തിന് പിന്നിലെന്ന് അധികൃതർ വ്യക്തമാക്കി. സെക്സിക്, റിവർ റൺ, വില്ലോ എന്നീ ലേണിംഗ് സെന്ററുകളാണ് ജൂൺ അവസാനത്തോടെ പ്രവർത്തനം നിർത്തുന്നത്. ഇതോടെ നൂറിലധികം കുട്ടികളുടെ സംരക്ഷണം പ്രതിസന്ധിയിലാവുകയും നിരവധി രക്ഷിതാക്കൾ ആശങ്കയിലാവുകയും ചെയ്തു.
നിലവിലെ സർക്കാർ ഫണ്ടിംഗ് ഉപയോഗിച്ച് ലാഭകരമല്ലാത്ത രീതിയിൽ ഡേകെയറുകൾ മുന്നോട്ട് കൊണ്ടുപോകാൻ കഴിയില്ലെന്നാണ് മാനേജ്മെന്റ് നിലപാട്. കഴിഞ്ഞ കുറേ കാലമായി വലിയ സാമ്പത്തിക നഷ്ടത്തിലാണ് ഈ കേന്ദ്രങ്ങൾ പ്രവർത്തിക്കുന്നതെന്നും അവർ അവകാശപ്പെടുന്നു. അതേസമയം, സ്ഥാപനം പൂട്ടുന്നതോടെ ഏകദേശം അമ്പതോളം ജീവനക്കാർക്ക് തൊഴിൽ നഷ്ടമാകും. ജീവനക്കാരുടെ ശമ്പളം വെട്ടിക്കുറയ്ക്കാനും ആനുകൂല്യങ്ങൾ പരിമിതപ്പെടുത്താനുമുള്ള മാനേജ്മെന്റ് നീക്കത്തിനെതിരെ തൊഴിലാളി യൂണിയനുകൾ ശക്തമായ പ്രതിഷേധത്തിലാണ്.
കുറഞ്ഞ വേതനത്തിൽ ജോലി ചെയ്യുന്ന ജീവനക്കാരുടെ പെൻഷനും സിക്ക് ലീവും വെട്ടിക്കുറയ്ക്കുന്നത് അംഗീകരിക്കാനാവില്ലെന്ന് ബി.സി.ജി.ഇ.യു പ്രസിഡന്റ് പോൾ ഫിഞ്ച് പറഞ്ഞു. ഉയർന്ന നിലവാരമുള്ള ശിശുസംരക്ഷണം നൽകുന്നതിനുള്ള യഥാർത്ഥ ചിലവ് നിലവിലെ സർക്കാർ ഫണ്ടിംഗിൽ ലഭിക്കുന്നില്ലെന്നാണ് അതിര സൊസൈറ്റി ഇതിന് മറുപടിയായി പറയുന്നത്. വേനൽക്കാല അവധിക്ക് മുന്നോടിയായി എത്തിയ ഈ വാർത്ത തങ്ങളുടെ ദൈനംദിന ജീവിതത്തെയും ജോലിയെയും ബാധിക്കുമെന്ന ഭീതിയിലാണ് ഇവിടുത്തെ കുടുംബങ്ങൾ.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Atira shuttering 3 B.C. daycares amid wage dispute, blaming provincial funding model
