ചില പ്രത്യേക ഭക്ഷണങ്ങൾ ഉപയോഗിച്ച് ശരീരത്തെ സന്തുലിതമാക്കുന്നതിലൂടെ ഒരു വ്യക്തിക്ക് നല്ല ആരോഗ്യം നിലനിർത്താൻ കഴിയും. ആസിഡ്-ആൽക്കലൈൻ അല്ലെങ്കിൽ ആൽക്കലൈൻ ആഷ് ഡയറ്റ് എന്നിങ്ങനെയുള്ള മറ്റ് പേരുകളിലും ആൽക്കലൈൻ ഡയറ്റ് അറിയപ്പെടുന്നു.മനുഷ്യ ശരീരത്തിന്റെ പിഎച്ച് അളവ് സന്തുലിതമാക്കുന്നതിനും മൊത്തത്തിലുള്ള ആരോഗ്യം വർദ്ധിപ്പിക്കുന്നതിനും ആരോഗ്യകരമായ ശരീരഭാരം പ്രോത്സാഹിപ്പിക്കുന്നതിനും ക്യാൻസറിനെ തടയുന്നതിനും ഈ ഡയറ്റ് സഹായിക്കുമെന്ന് പറയപ്പെടുന്നു.
ചില ഭക്ഷണങ്ങൾ നിങ്ങളുടെ ശരീരത്തിൽ കൂടുതൽ ആസിഡ് ഉൽപ്പാദിപ്പിക്കും എന്ന ആശയത്തെ അടിസ്ഥാനമാക്കിയുള്ളതാണ് ഈ ഡയറ്റ്. ഇത്തരം ആസിഡിനെ ചെറുത്തുനിർത്താൻ ആൽക്കലൈൻ ഡയറ്റ് നിങ്ങളെ സഹായിക്കും.ആസിഡ്-ആൽക്കലൈൻ ബാലൻസ് നമ്മുടെ ശരീരത്തിൽ അസിഡിറ്റി അല്ലെങ്കിൽ ക്ഷാരത്തിന്റെ ഒരു പ്രത്യേക തലത്തിൽ മാത്രം സംഭവിക്കുന്ന നിരവധി പ്രവർത്തനങ്ങളെ സഹായിക്കും. ഇത് നമ്മുടെ ചർമ്മം, ആമാശയം, മൂത്രസഞ്ചി, യോനി പ്രദേശം എന്നിവയെ സംരക്ഷിക്കും.
മറ്റ് മിക്ക അവയവങ്ങളും കോശങ്ങളും നന്നാക്കാനും ആൽക്കലൈൻ ഡയറ്റ് നിങ്ങളെ സഹായിക്കുന്നു. നമ്മുടെ ശരീരത്തിലെ ചില എൻസൈമുകളും രാസപ്രവർത്തനങ്ങളും ഒരു പ്രത്യേക പി.എച്ച് മൂല്യത്തിൽ മെച്ചപ്പെട്ട രീതിയിൽ പ്രവർത്തിക്കുന്നു. പി.എച്ച് നിലയിലെ മാറ്റം ശരീരത്തിന്റെ സാധാരണ പ്രവർത്തനത്തിൽ വലിയ സ്വാധീനം ചെലുത്തും. നിങ്ങളുടെ ശരീരത്തിന്റെ ഉചിതമായ പി.എച്ച് നില ഏകദേശം 7.4 ആണ്. പാശ്ചാത്യ ഭക്ഷണങ്ങൾ സാധാരണയായി നമ്മുടെ ശരീരത്തെ ഉയർന്ന അസിഡിറ്റി ആക്കുന്നു,
കാരണം അവയിൽ കൊഴുപ്പും വളരെയധികം പ്രോട്ടീനും പഞ്ചസാരയും അടങ്ങിയിട്ടുണ്ട്. ഇത്തരം ഭക്ഷണങ്ങളിൽ ആവശ്യത്തിന് ഫൈബറും ഉണ്ടാവില്ല. നമ്മുടെ ശരീരം ഉയർന്ന തലത്തിൽ അസിഡിറ്റി ഉത്പാദിപ്പിക്കുമ്പോൾ, അത് വീക്കം ഉണ്ടാക്കുകയും മറ്റ് രോഗങ്ങൾക്കും വൈകല്യങ്ങൾക്കുമുള്ള സാധ്യത വർദ്ധിപ്പിക്കുകയും ചെയ്യും. കൂടുതൽ ആൽക്കലൈൻ ഉണ്ടാകുമ്പോൾ ശരീരത്തിന് ഒപ്റ്റിമൽ തലത്തിൽ പ്രവർത്തിക്കാൻ കഴിയും.
ഓട്ടിസം ബാധിച്ച കുട്ടികളിൽ കൂടുതലായി ബാധിക്കുന്ന തലച്ചോറ്, കുടൽ, ചർമ്മം, പേശികൾ എന്നിവയിലെ വീക്കം കുറയ്ക്കാൻ ഇത് സഹായിക്കും. ഓട്ടിസം ബാധിച്ച കുട്ടികളിൽ സാധാരണമായ യീസ്റ്റ്, മോശം ബാക്ടീരിയ എന്നിവയുടെ വളർച്ചയെ തടയുന്നതിനും ആൽക്കലൈൻ ഭക്ഷണക്രമം സഹായിക്കുന്നു. ശരീരത്തിലെ വിഷാംശം ഇല്ലാതാക്കുന്നതിനും ഇത് സഹായകമാണ്.
പച്ച ഇലക്കറികൾ, പഴങ്ങൾ, റൂട്ട് പച്ചക്കറികൾ, ബ്രോക്കോളി, കോളിഫ്ളവർ, ബ്രസ്സൽ നട്സ്, വെളുത്തുള്ളി, നാരങ്ങ, കാബേജ്, അവോക്കാഡോ, മുള്ളങ്കി, ഒലിവ് ഓയിൽ, ഗ്രീൻ ടീ, വെള്ളരിക്ക എന്നിവയാണ് ആൽക്കലൈൻ അടങ്ങിയ ഭക്ഷണങ്ങൾ. നമ്മുടെ ശരീരത്തിലെ പിഎച്ച് ബാലൻസ് നിലനിർത്താൻ ആൽക്കലൈൻ ഭക്ഷണങ്ങൾ അത്യാവശ്യമാണ്. വിദഗ്ധർ പറയുന്നത്, പ്രത്യേക ഭക്ഷണ പദാർത്ഥങ്ങളിൽ മാത്രം നിങ്ങൾ ഒതുങ്ങുന്നതിന് പകരം, എല്ലാ ഭക്ഷണ ഗ്രൂപ്പുകളും മിക്സ് ചെയ്ത് കഴിച്ച് മൊത്തത്തിലുള്ള ശാരീരിക ആരോഗ്യം മെച്ചപ്പെടുത്തുക എന്നതാണ്.
