എഡ്മിന്റൻ: കാനഡയിലെ പ്രമുഖ സാംസ്കാരിക സംഘടനയായ സമന്വയുടെ ആൽബർട്ട യൂണിറ്റ് സംഘടിപ്പിക്കുന്ന ഈ വർഷത്തെ ക്രിസ്മസ്-പുതുവത്സര ആഘോഷം ‘Beats & Bells 2K25’ ഡിസംബർ 27 ശനിയാഴ്ച നടക്കും. എഡ്മിന്റനിലെ പ്ലെസന്റ് വ്യൂ കമ്മ്യൂണിറ്റി ഹാളിൽ (Pleasant View Community Hall) വെച്ച് വൈകുന്നേരം 5 മണി മുതൽ രാത്രി 11 മണി വരെയാണ് പരിപാടികൾ ക്രമീകരിച്ചിരിക്കുന്നത്.
കേരളീയ തനിമ വിളിച്ചോതുന്ന കലാരൂപങ്ങളും പാശ്ചാത്യ സംഗീതവും നൃത്ത പരിപാടികളും കോർത്തിണക്കിക്കൊണ്ടുള്ള വർണ്ണാഭമായ ചടങ്ങുകളാണ് ഒരുക്കിയിരിക്കുന്നത്. ഗാനമേള, ഡിജെ പെർഫോമൻസ് (DJ CR), വിവിധ ആകർഷണീയമായ ഗെയിമുകൾ, നോൺ-സ്റ്റോപ്പ് എന്റർടൈൻമെന്റ് എന്നിവ ആഘോഷങ്ങൾക്ക് മാറ്റുകൂട്ടും. കുടുംബങ്ങൾക്കും സുഹൃത്തുക്കൾക്കും ഒത്തുചേരാനും 2025-നോട് സസന്തോഷം വിടപറയാനും അനുയോജ്യമായ രീതിയിലാണ് സമന്വയ ആൽബെർട്ട ഈ സായാഹ്നം ഡിസൈൻ ചെയ്തിരിക്കുന്നത്. രുചികരമായ ഭക്ഷണവും ആഘോഷത്തിന്റെ ഭാഗമായുണ്ടാകും.
പരിപാടിയിൽ പങ്കെടുക്കുന്നതിന് മുതിർന്നവർക്ക് 20 കനേഡിയൻ ഡോളറും കുട്ടികൾക്ക് 5 ഡോളറുമാണ് പ്രവേശന ഫീസ്. ടിക്കറ്റുകൾ Mazhathulli.ca എന്ന വെബ്സൈറ്റ് വഴി ഓൺലൈനായി ബുക്ക് ചെയ്യാവുന്നതാണ്. എഡ്മിന്റനിലെയും പരിസര പ്രദേശങ്ങളിലെയും എല്ലാ മലയാളി കുടുംബങ്ങളെയും ഈ ആഘോഷത്തിലേക്ക് ഭാരവാഹികൾ സ്വാഗതം ചെയ്തു. പ്രവാസി മലയാളി സമൂഹത്തിന് ഒത്തുകൂടാനും ആഘോഷങ്ങൾ പങ്കുവെക്കാനുമുള്ള വലിയൊരു വേദിയായിരിക്കും ‘Beats & Bells 2K25’.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Alberta's 'Beats & Bells 2K25' will be held in Edmonton on December 27th
