സറി: വ്യാജ ബാങ്ക് ഡ്രാഫ്റ്റും തിരിച്ചറിയല്‍ രേഖകളും ഉപയോഗിച്ച് പിക്കപ്പ് ട്രക്ക് വാങ്ങിയെന്ന് സംശയിക്കുന്നയാളെ കണ്ടെത്താന്‍ പൊതുജനങ്ങളുടെ സഹായം തേടി സറി പോലീസ്. സംഭവവുമായി ബന്ധപ്പെട്ട് സംശയിക്കുന്നയാളുടെ രണ്ട് ചിത്രങ്ങളും സറേ പോലീസ് സര്‍വീസ് പുറത്തുവിട്ടു.
സറിയിലെ ഫ്‌ലീറ്റ്വുഡ് മേഖലയില്‍ സെപ്റ്റംബര്‍ 21-നാണ് സംഭവം നടന്നതെന്ന് പോലീസ് അറിയിച്ചു. ട്രക്ക് ഉടമയില്‍നിന്ന് വാഹനം വാങ്ങുന്നതിനായി ഇയാള്‍ വ്യാജ ബാങ്ക് ഡ്രാഫ്റ്റും തിരിച്ചറിയല്‍ രേഖകളും ഉപയോഗിച്ചതായാണ് ആരോപണം.
സെപ്റ്റംബര്‍ 22-ന് രാവിലെ 9.20-ഓടെയാണ് ട്രക്ക് ഉടമ പോലീസിനെ വിവരം അറിയിച്ചത്. തലേദിവസം രാത്രിയാണ് ഇടപാട് നടന്നതെന്ന് ഉടമ പോലീസിനോട് പറഞ്ഞു. തട്ടിപ്പിലൂടെ വാങ്ങിയെന്ന് സംശയിക്കുന്ന വാഹനം കറുത്ത നിറത്തിലുള്ള 2018 മോഡല്‍ ഫോര്‍ഡ് എഫ്-150 പിക്കപ്പ് ട്രക്കാണെന്ന് പോലീസ് വ്യക്തമാക്കി.
സംശയിക്കുന്നയാള്‍ക്ക് ഏകദേശം 30 വയസ്സുണ്ടെന്നും ഇടത്തരം ശരീരപ്രകൃതിയുള്ള ദക്ഷിണേഷ്യന്‍ വംശജനാണെന്നും പോലീസ് വിവരിച്ചു. ഏകദേശം 5 അടി 8 ഇഞ്ചാണ് ഉയരം. സംഭവം നടക്കുമ്പോള്‍ പച്ച ഷര്‍ട്ടും കറുത്ത പാന്റ്‌സുമാണ് ധരിച്ചിരുന്നത്.
സംശയിക്കുന്നയാളെക്കുറിച്ചോ ഇയാളുടെ സ്ഥലവിവരം സംബന്ധിച്ചോ അറിയുന്നവര്‍ 604-599-0502 എന്ന നമ്പറില്‍ സറി പോലീസ് സര്‍വീസിന്റെ അടിയന്തരമല്ലാത്ത സേവന വിഭാഗവുമായി ബന്ധപ്പെടണം. വിവരം നല്‍കുമ്പോള്‍ കേസ് നമ്പര്‍ 26-29409 (US) പരാമര്‍ശിക്കണമെന്നും പോലീസ് അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/GIh0npbq3d1GgGCL00k37z
‘Surrey Police Seek Suspect in Ford F-150 Fraud Case’
