രണ്ട് യുവാക്കൾ കൊല്ലപ്പെട്ടു
ചൊവ്വാഴ്ച രാത്രി ടൊറന്റോയിലെ റിവർഡെയിൽ പ്രദേശത്ത് നടന്ന വെടിവയ്പ്പിൽ രണ്ട് യുവാക്കൾ കൊല്ലപ്പെട്ടു. സംഭവം നടന്നത് രാത്രി 11:10-ന് ബെയിൻ, ലോഗൻ അവന്യൂകൾക്ക് സമീപമാണ്. വെടിയൊച്ചയെക്കുറിച്ചുള്ള റിപ്പോർട്ടുകൾക്ക് ശേഷം പോലീസ് സംഭവസ്ഥലത്തെത്തി, വെടിയേറ്റ രണ്ട് പേരെ കണ്ടെത്തി. ഒരാൾ സംഭവസ്ഥലത്ത് വച്ച് മരിച്ചു, മറ്റേയാളെ ആശുപത്രിയിൽ എത്തിച്ചെങ്കിലും രക്ഷിക്കാൻ കഴിഞ്ഞില്ല.
പോലീസ് അവരുടെ തിരിച്ചറിയൽ ഉറപ്പാക്കുന്നതിനും ബന്ധുക്കളെ വിവരങ്ങൾ അറിയിക്കുന്നതിനും ഇപ്പോഴും ശ്രമിക്കുകയാണ്.
വെടിവയ്പ്പ് ഇവരെ മാത്രം ലക്ഷ്യമിട്ടായിരുന്നോ എന്ന് സ്ഥിരീകരികരിച്ചിട്ടില്ല,സംഭവസ്ഥലത്ത് ഒരു ഒരു കൂട്ട വെടിവെപ്പ് നടന്നതിന്റെ ലക്ഷണങ്ങളാണ് ദൃശ്യമാകുന്നത് എന്ന് അന്വേഷകർ പറയുന്നു.
പ്രതികൾ എന്ന് സംശയിക്കാവുന്ന രണ്ട് പേർ വിത്രോ പാർക്കിലേക്ക് ഓടുന്നത് കണ്ടിരുന്നു. അവർ 5 അടി 5 ഇഞ്ച് മുതൽ 5 അടി 8 ഇഞ്ച് വരെ ഉയരമുള്ളവരും ഇരുണ്ട വസ്ത്രം ധരിച്ചവരുമായിരുന്നു. എന്നാൽ, ഇരുട്ട് കാരണം ഈ വിവരണം കൃത്യമായിരിക്കില്ലെന്ന് പോലീസ് പറഞ്ഞു.
അന്വേഷണം തുടരുന്നതിനാൽ പ്രദേശത്ത് കൂടുതൽ പോലീസ് സാന്നിധ്യം ഉണ്ടാകുമെന്ന് പ്രതീക്ഷിക്കുന്നു. വിവരങ്ങൾ അല്ലെങ്കിൽ സുരക്ഷാ ദൃശ്യങ്ങൾ ഉള്ള ആരെങ്കിലും പോലീസിനെയോ ക്രൈം സ്റ്റോപ്പേഴ്സിനെയോ ബന്ധപ്പെടണമെന്ന് അധികാരികൾ അഭ്യർത്ഥിക്കുന്നു.
