ക്യുബെക്ക് : ക്യുബെക്ക് തിരഞ്ഞെടുപ്പിന്റെ അന്തിമ ചർച്ചയ്ക്ക് ശേഷം അഞ്ച് പ്രധാന രാഷ്ട്രീയ പാർട്ടി നേതാക്കളും വീണ്ടും പ്രചാരണ ഗോദയിലേക്ക്. പരമാധികാരം, സാമ്പത്തിക സ്ഥിതി, ജീവിതച്ചെലവ് തുടങ്ങിയ വിഷയങ്ങളിൽ കനത്ത വാക്പോരുകൾ നടന്ന അവസാന സംവാദത്തിന് തൊട്ടടുത്ത ദിവസമാണ് നേതാക്കൾ തങ്ങളുടെ പര്യടനങ്ങൾ പുനരാരംഭിച്ചത്. ഒക്ടോബർ 5-നാണ് പ്രവിശ്യയിൽ വോട്ടെടുപ്പ് നടക്കുന്നത്.
പ്രചാരണത്തിന്റെ ഇരുപത്തിയൊൻപതാം ദിവസമായ ഇന്ന് വിവിധ നേതാക്കൾ തങ്ങളുടെ പര്യടന പരിപാടികൾക്ക് തുടക്കമിട്ടു. ലിബറൽ പാർട്ടി നേതാവ് ചാൾസ് മിലിയർഡ് എസ്ട്രി മേഖലയിലാണ് ഇന്നത്തെ പര്യടനം നടത്തുന്നത്. രാവിലെ സെറസ് സെന്റ്-എലി സന്ദർശനത്തോടെ ആരംഭിക്കുന്ന അദ്ദേഹത്തിന്റെ പരിപാടികൾ ഷെർബ്രൂക്ക് മേയർ മേരി-ക്ലോഡ് ബിബുവുമായുള്ള കൂടിക്കാഴ്ചയ്ക്കും മാഗോഗിലെ പ്രചാരണ റാലിക്കും ശേഷമാണ് അവസാനിക്കുക.
സി.എ.ക്യൂ നേതാവ് ക്രിസ്റ്റിൻ ഫ്രെഷെറ്റ് ട്രൂ-റിവിയേഴ്സിലെ എസ്കേൽ റെസ്റ്റോറന്റിൽ എത്തി ജനങ്ങളുമായി സംവദിക്കും. പാർട്ടീ ക്യുബെക്കോവ (പി.ക്യൂ) നേതാവ് പോൾ സെന്റ്-പിയർ പ്ലാമൺഡൺ മോൺട്രിയലിൽ തൊഴിലാളി സംഘടനയായ എഫ്.ടി.ക്യൂ പ്രതിനിധികളെയും തുടർന്ന് മോൺട്രിയൽ മേയർ സോറായ മാർട്ടിനെസ് ഫെറഡയെയും കാണും. വൈകുന്നേരം മാധ്യമപ്രവർത്തകരെയും അദ്ദേഹം കാണുന്നുണ്ട്.
ക്യുബെക്ക് സോളിഡയർ വക്താവ് റുബ ഗസൽ, സഹ-വക്താവ് സോൾ സാനെറ്റിക്കൊപ്പം ക്യുബെക്ക് സിറ്റി മേയർ ബ്രൂണോ മാർച്ച്ചന്ദുമായി കൂടിക്കാഴ്ച നടത്തും. തുടർന്ന് പാർട്ടി മുന്നോട്ടുവെക്കുന്ന കാഴ്ചപ്പാടുകൾ വിശദീകരിച്ച് പത്രസമ്മേളനവും നടത്തും. ക്യുബെക്ക് കൺസർവേറ്റീവ് പാർട്ടി നേതാവ് എറിക് ദുഹൈം നിക്കോളെറ്റിലും സെന്റ്-ഗബ്രിയേൽ-ഡെ-വൽകാർട്ടിയറിലുമായി രണ്ട് പ്രധാന പത്രസമ്മേളനങ്ങളിൽ പങ്കെടുത്ത് ഇന്നത്തെ പ്രചാരണ പരിപാടികൾക്ക് നേതൃത്വം നൽകും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
