ഓട്ടവ: ഫ്രോണ്ടിയർ ലീഗ് ചാമ്പ്യൻഷിപ്പിൽ ആദ്യമായി ഇടം നേടി ഓട്ടവ ടൈറ്റൻസ്. ന്യൂയോർക്ക് ബോൾഡേഴ്സിനെതിരായ പരമ്പര 3–0ന് തൂത്തുവാരിയാണ് ടൈറ്റൻസ് ഫൈനലിൽ എത്തിയത്. വെള്ളിയാഴ്ച നടന്ന മത്സരത്തിൽ 3–2നായിരുന്നു ഓട്ടവയുടെ ജയം. മത്സരത്തിന് ലീഗ് പ്ലേഓഫിലെ റെക്കോർഡ് 7,912 കാണികളെത്തി.
നാലാം ഇന്നിങ്സ് പൂർത്തിയാകുമ്പോൾ ഓട്ടവ 3–0ന് മുന്നിലായിരുന്നു. ഏഴാം ഇന്നിങ്സിൽ ന്യൂയോർക്ക് ഒരു റൺ മാത്രം പിന്നിലായി തിരിച്ചുവരവിന് ശ്രമിച്ചു. എന്നാൽ ടൈറ്റൻസ് ലീഡ് നിലനിർത്തി. ഇതോടെ തുടർച്ചയായ രണ്ടാം പരമ്പരയിലും ഓട്ടവ തൂത്തുവാരി.
ഹണ്ടർ സ്റ്റോക്ലിയാണ് ഓട്ടവയ്ക്കായി രണ്ട് റൺ നേടിയത്. എവൻ ഗ്രിൽസ് അഞ്ച് ഇന്നിങ്സ് പന്തെറിഞ്ഞു. ഏഴ് ബാറ്റർമാരെ പുറത്താക്കി. ഒരു റൺ മാത്രമാണ് വഴങ്ങിയത്. ഇത് ടൈറ്റൻസിന്റെ ചരിത്രത്തിലെ ആദ്യ ഫ്രോണ്ടിയർ ലീഗ് ചാമ്പ്യൻഷിപ്പ് ഫൈനലാണ്.
Also Read : സൗത്ത് വിന്നിപെഗിൽ 3 ആഴ്ചത്തേക്ക് ഗതാഗത നിയന്ത്രണം; സെപ്റ്റംബർ 21 മുതൽ റോഡ് അടയ്ക്കും
മിഡ്വെസ്റ്റ് കോൺഫറൻസ് ചാമ്പ്യൻഷിപ്പ് പരമ്പരയിലെ വിജയികളെയാണ് ടൈറ്റൻസ് ഫൈനലിൽ നേരിടുക. വാഷിങ്ടൺ വൈൽഡ് തിങ്സും ഇവാൻസ്വിൽ ഓട്ടേഴ്സുമാണ് മത്സരിക്കുന്നത്. ഫൈനലിലെ ആദ്യ രണ്ട് മത്സരങ്ങൾ ഓട്ടവയ്ക്ക് പുറത്തായിരിക്കും. മൂന്ന്, നാല്, അഞ്ച് മത്സരങ്ങൾ ഓട്ടവ സ്റ്റേഡിയത്തിൽ നടക്കും. ആദ്യ മത്സരം ചൊവ്വാഴ്ച നടക്കും. സമയം പിന്നീട് തീരുമാനിക്കും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
