എഡ്മിന്റൻ: എഡ്മിന്റൻ ഇന്റർനാഷണൽ എയർപോർട്ടിൽ (YEG) ചൊവ്വാഴ്ച വിപുലമായ സുരക്ഷാ പരിശീലനം (മോക്ക് ഡ്രിൾ) നടക്കുന്നു. അടിയന്തര സാഹചര്യങ്ങൾ നേരിടാനുള്ള സജ്ജീകരണങ്ങൾ വിലയിരുത്താനാണ് വിമാനത്താവള അധികൃതർ ഈ പരിശീലനം സംഘടിപ്പിക്കുന്നത്. രാവിലെ 9 മണി മുതൽ വൈകുന്നേരം 3 മണി വരെയാണ് ഡ്രിൾ ക്രമീകരിച്ചിരിക്കുന്നത്.
പരിശീലനത്തിന്റെ ഭാഗമായി ടെർമിനലിന് അകത്തും പുറത്തും ഫയർഫോഴ്സ്, ആംബുലൻസ് അടക്കമുള്ള അടിയന്തര വാഹനങ്ങളുടെ സഞ്ചാരവും സൈറൺ ശബ്ദങ്ങളും മുന്നറിയിപ്പ് ലൈറ്റുകളും ഉണ്ടാകും. വിമാനത്താവളത്തിലെത്തുന്ന യാത്രികരും സന്ദർശകരും ഇത് കണ്ട് പരിഭ്രാന്തരാകേണ്ടതില്ലെന്നും ഇതെല്ലാം പരിശീലനത്തിന്റെ ഭാഗം മാത്രമാണെന്നും അധികൃതർ വാർത്താക്കുറിപ്പിൽ വ്യക്തമാക്കി.
ഈ അടിയന്തര സുരക്ഷാ പരിശീലനം കാരണം സാധാരണ വിമാന സർവീസുകൾക്കോ വിമാനത്താവളത്തിന്റെ മറ്റു ദൈനംദിന പ്രവർത്തനങ്ങൾക്കോ തടസ്സമുണ്ടാകില്ല. സെപ്റ്റംബർ 21 മുതൽ 25 വരെ ആചരിക്കുന്ന ‘കനേഡിയൻ എയർപോർട്ട്സ് സേഫ്റ്റി വീക്കിന്റെ’ ഭാഗമായാണ് എഡ്മണ്ടൻ എയർപോർട്ടിൽ ഈ പരിപാടി നടത്തുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
