കൊച്ചി: സ്പാനിഷ് ഫുട്ബോൾ താരം ലമീൻ യമാലുമായി അതെ മുഖസാദൃശ്യമുള്ള മലയാളി വിദ്യാർത്ഥി അലന്റെ വീഡിയോയാണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. സ്കൂളിലെ ഓണാഘോഷത്തിനിടെ പകർത്തിയ ഈ ദൃശ്യങ്ങൾ ‘me_the_historian’ എന്ന ഇൻസ്റ്റഗ്രാം അക്കൗണ്ടിലൂടെയാണ് പുറത്തുവന്നത്. സ്പെയിൻ ടീമിന്റെ ജേഴ്സിയണിഞ്ഞ് യമാലിന്റെ ഭാവങ്ങളും ചിരിയും അനുകരിക്കുന്ന ദൃശ്യങ്ങൾ ചുരുങ്ങിയ ദിവസങ്ങൾ കൊണ്ടാണ് ദശലക്ഷക്കണക്കിന് ആളുകളിലേക്ക് എത്തിയത്.
11 മില്യണിലധികം വ്യൂസ് നേടി
വീഡിയോ പങ്കുവെച്ച് ചുരുങ്ങിയ സമയത്തിനകം 11 മില്യണിലധികം കാഴ്ചക്കാരെയാണ് ഇതിനോടകം ലഭിച്ചിട്ടുള്ളത്. യമാലിന്റെ ഹെയർസ്റ്റൈൽ, മുഖച്ഛായ, പല്ലിലെ ബ്രേസസ് എന്നിവയോട് അലനുള്ള സാദൃശ്യമാണ് വീഡിയോ ഇത്രയധികം ശ്രദ്ധിക്കപ്പെടാൻ കാരണം. വിദേശ രാജ്യങ്ങളിൽ നിന്നുള്ള ഫുട്ബോൾ ആരാധകർ ഉൾപ്പെടെ നിരവധി പേരാണ് വീഡിയോക്ക് താഴെ കമന്റുകളുമായി എത്തിയിരിക്കുന്നത്.
Also Read: കൈവശം വെക്കാവുന്ന സിമ്മുകളുടെ എണ്ണത്തിൽ നിയന്ത്രണം; പുതിയ നിയമവുമായി ടെലികോം വകുപ്പ്
സോഷ്യൽ മീഡിയയിൽ തരംഗമായി ‘കേരള യമാൽ’
വീഡിയോ വൈറലായതോടെ സോഷ്യൽ മീഡിയ ‘കേരള യമാൽ’ എന്ന പേര് അലന് നൽകിക്കഴിഞ്ഞു. ഡിജിറ്റൽ സാങ്കേതികവിദ്യകളോ എഐ (AI) ഉപയോഗിച്ചുള്ള തിരുത്തലുകളോ ഇല്ലാതെ പകർത്തിയ സ്വാഭാവിക ദൃശ്യങ്ങളാണിതെന്ന് ദൃശ്യങ്ങളിൽ നിന്ന് വ്യക്തമാണ്. നിലവിൽ വിവിധ സോഷ്യൽ മീഡിയ പ്ലാറ്റ്ഫോമുകളിൽ ഈ ദൃശ്യങ്ങളുടെ പ്രചാരണവും ചർച്ചകളും തുടരുകയാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
Not AI, but the real deal! A 'Yamal' from Kerala who bears a striking resemblance to the Spanish footballer.
