മുൻ യു.എസ്. trade representative ബോബ് ലൈറ്റ്ഹൈസർ നിലവിലുള്ള വ്യാപാര സംഘർഷങ്ങൾ ഉണ്ടെങ്കിലും, അമേരിക്കയുടെ ആഗോള താരിഫ് തന്ത്രങ്ങളിൽ നിന്ന് കാനഡയ്ക്ക് ഒടുവിൽ പ്രയോജനം ലഭിക്കുമെന്ന് അഭിപ്രായപ്പെട്ടിരിക്കുന്നു. ഒട്ടാവയിൽ നടന്ന ഒരു കൺസർവേറ്റീവ് സമ്മേളനത്തിൽ സംസാരിക്കവേ, അദ്ദേഹം ഇരു രാജ്യങ്ങൾക്കും “സന്തോഷകരമായ ഫലം” ഉണ്ടാകുമെന്ന് സൂചിപ്പിച്ചു. അമേരിക്കയുടെ നിർമ്മാണ മേഖലയുടെ പുതിയ തുടക്കം കാനഡയുടെ നിർമ്മാണ മേഖലയ്ക്കും വളരാൻ കഴിയുമെന്ന് അദ്ദേഹം ഊന്നിപ്പറഞ്ഞു. ഇരുരാജ്യങ്ങളും തമ്മിലുള്ള ബന്ധം ശക്തവും മെച്ചപ്പെട്ടുവരുന്നതുമാണെന്നും അദ്ദേഹം അഭിപ്രായപ്പെട്ടു.
ഡൊണാൾഡ് ട്രംപിന്റെ ഏറ്റവും പുതിയ ചില തീരുവകളിൽ നിന്ന് കാനഡയെ ഒഴിവാക്കിയിട്ടുണ്ടെകിലും , നിരവധി താരിഫുകൾ ഇപ്പോഴും നിലനിൽക്കുന്നു. CUSMA (കാനഡ-യുഎസ്-മെക്സിക്കോ കരാർ) അനുസരിക്കാത്ത ഇറക്കുമതികൾക്ക് 25% താരിഫ് , സ്റ്റീൽ, അലുമിനിയം, ഊർജ്ജ ഉൽപ്പന്നങ്ങൾ എന്നിവയ്ക്കുള്ള താരിഫുകൾ ഇവയിൽ ഉൾപ്പെടുന്നു. കാനഡ സ്വന്തം താരിഫ്കളുമായി പ്രതികരിച്ചിട്ടുണ്ട്, അമേരിക്ക അതിന്റെ നിയന്ത്രണങ്ങൾ നീക്കുന്നതുവരെ ഇവ നിലനിർത്തുമെന്ന് കാനഡ വ്യക്തമാക്കിയിട്ടുണ്ട്.
മെക്സിക്കോയിലെ ചൈനീസ് നിക്ഷേപത്തെക്കുറിച്ചുള്ള ആശങ്കകൾ ചൂണ്ടിക്കാട്ടി, മെക്സിക്കോയില്ലാതെ CUSMA വീണ്ടും ചർച്ച ചെയ്യാനും ലൈറ്റ്ഹൈസർ ശുപാർശ ചെയ്തു. വ്യാപാരത്തിൽ കാനഡയും അമേരിക്കയും ഒരു യോജിച്ച നിലപാട് സ്വീകരിക്കണമെന്നും, 2026-ലെ CUSMA അവലോകനത്തിന് മുമ്പായി അവരുടെ പങ്കിട്ട സാമ്പത്തിക, സുരക്ഷാ താൽപ്പര്യങ്ങൾ ശക്തിപ്പെടുത്തണമെന്നും അദ്ദേഹം വാദിച്ചു. ഇരു രാജ്യങ്ങൾ തമ്മിലുള്ള വ്യാപാര ബന്ധം ഭാവിയിൽ കൂടുതൽ ശക്തമാകുമെന്നും അദ്ദേഹം പ്രതീക്ഷ പ്രകടിപ്പിച്ചു
