വാഷിംഗ്ടൺ: കൂടുതൽ പ്രതിരോധശേഷി നൽകുന്ന പുതിയ ഫ്ലൂ വാക്സിന് അമേരിക്കയിൽ അനുമതി. മോഡേണ കമ്പനി വികസിപ്പിച്ച ‘mFlusiva’ എന്ന ഈ വാക്സിൻ 50 വയസ്സിന് മുകളിലുള്ളവർക്കാണ് നൽകുക. എം.ആർ.എൻ.എ (mRNA) സാങ്കേതികവിദ്യ ഉപയോഗിച്ച് ഉണ്ടാക്കിയ ഈ വാക്സിന്, നിലവിൽ എടുക്കുന്ന സാധാരണ ഫ്ലൂ വാക്സിനുകളേക്കാൾ വേഗത്തിലും മികച്ച രീതിയിലും പനിയെ പ്രതിരോധിക്കാൻ കഴിയും. എന്നാൽ സാധാരണ വാക്സിനെ അപേക്ഷിച്ച് ഇതിന് പാർശ്വഫലങ്ങൾ കൂടുതലാണെന്നും വിദഗ്ധർ ചൂണ്ടിക്കാണിക്കുന്നു.
നാൽപ്പതിനായിരത്തോളം ആളുകളിൽ നടത്തിയ പരീക്ഷണങ്ങൾക്ക് ശേഷമാണ് അമേരിക്കൻ ആരോഗ്യ വകുപ്പ് (FDA) ഈ വാക്സിന് അംഗീകാരം നൽകിയത്. നിലവിലുള്ള ഫ്ലൂ വാക്സിനുകളേക്കാൾ 27 ശതമാനം കൂടുതൽ സംരക്ഷണം നൽകാൻ ഇതിന് കഴിയും. മാത്രമല്ല, സാധാരണ വാക്സിൻ ഉണ്ടാക്കാൻ ആറുമാസം വരെ സമയം വേണമെങ്കിൽ, ഈ പുതിയ രീതിയിലൂടെ വെറും മൂന്നുമാസം കൊണ്ട് വാക്സിൻ തയ്യാറാക്കാൻ സാധിക്കും. അതുകൊണ്ടുതന്നെ ഫ്ലൂ വൈറസുകൾക്ക് എപ്പോഴും വകഭേദങ്ങൾ സംഭവിക്കാറുണ്ട്. സാധാരണ മരുന്നുകൾ ഉണ്ടാക്കാൻ മാസങ്ങൾ എടുക്കുന്നതുകൊണ്ട് ഈ പുതിയ വൈറസുകളെ പെട്ടെന്ന് തടയാൻ കഴിഞ്ഞിരുന്നില്ല. എന്നാൽ, ഈ പുതിയ സാങ്കേതികവിദ്യ വഴി പുതിയ തരം വൈറസുകൾ വന്നാലും അതിനെ പ്രതിരോധിക്കാനുള്ള വാക്സിൻ ചെറിയ സമയം കൊണ്ട് തയ്യാറാക്കി വിപണിയിൽ എത്തിക്കാൻ കഴിയും.
അതേസമയം, പുതിയ വാക്സിൻ എടുക്കുന്നവരിൽ കൈവേദനയും തളർച്ചയും കൂടുതൽ കണ്ടേക്കാം. സാധാരണ വാക്സിൻ എടുക്കുമ്പോൾ 30 ശതമാനം ആളുകളിൽ മാത്രമാണ് കുത്തിവെയ്പ്പെടുത്ത ഭാഗത്ത് വേദന കാണാറുള്ളതെങ്കിൽ, പുതിയ വാക്സിൻ എടുത്ത 66 ശതമാനം ആളുകളും വേദന അനുഭവപ്പെട്ടതായി പറഞ്ഞു. കൂടാതെ തലവേദനയും പേശിവേദനയും ഇവർക്ക് കൂടുതലായി റിപ്പോർട്ട് ചെയ്തിട്ടുണ്ട്. എങ്കിലും ഇത്തരം പാർശ്വഫലങ്ങളെ പേടിച്ച് ആളുകൾ വാക്സിനിൽ നിന്ന് മാറിനിൽക്കരുതെന്നും, വാക്സിന്റെ നേട്ടങ്ങളെക്കുറിച്ച് കൃത്യമായി മനസ്സിലാക്കുകയാണ് വേണ്ടതെന്നും ആരോഗ്യ വിദഗ്ധർ വ്യക്തമാക്കുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Fever can now be prevented quickly; the US introduces a new flu vaccine.
