കാനഡയിലെ അഞ്ച് വർഷം നീണ്ട ജീവിതത്തിന് ശേഷം ആരോടും പറയാതെ അപ്രതീക്ഷിതമായി വീട്ടിലെത്തി മാതാപിതാക്കളെ ഞെട്ടിച്ചിരിക്കുകയാണ് സൂര്യ നായർ എന്ന ഇന്ത്യൻ യുവാവ്. മകൻ മുന്നിൽ വന്നു നിൽക്കുന്നത് കണ്ട് വികാരഭരിതരാകുന്ന മാതാപിതാക്കളുടെയും സൂര്യയുടെയും മനോഹരമായ നിമിഷങ്ങൾ അടങ്ങിയ വീഡിയോ ഇപ്പോൾ സോഷ്യൽ മീഡിയയിൽ തരംഗമാകുകയാണ്.
വീട്ടിലേക്ക് പോകുന്നതിന് തൊട്ടുമുമ്പ് തനിക്കുള്ള ആകാംക്ഷ സൂര്യ വീഡിയോയിൽ പങ്കുവെക്കുന്നുണ്ട്. അച്ഛനെയും അമ്മയെയും കാണാൻ തനിക്ക് ഒട്ടും കാത്തിരിക്കാൻ വയ്യെന്ന് പറഞ്ഞുകൊണ്ടാണ് യുവാവ് വീട്ടിലേക്ക് കടന്നുചെല്ലുന്നത്. മകനെ അപ്രതീക്ഷിതമായി കണ്ട മാത്രയിൽ മാതാപിതാക്കൾ സന്തോഷം കൊണ്ട് കണ്ണീരണിയുന്നതും കെട്ടിപ്പിടിക്കുന്നതും വീഡിയോയിൽ കാണാം.
സാമൂഹിക മാധ്യമങ്ങളിൽ പങ്കുവെച്ച ഈ വൈകാരിക നിമിഷം ചുരുങ്ങിയ സമയം കൊണ്ടാണ് ആളുകളുടെ ശ്രദ്ധനേടിയത്. ഇന്ന് ഇന്റർനെറ്റിൽ കണ്ട ഏറ്റവും മനോഹരമായ വീഡിയോ ഇതാണെന്നും, ലൈക്ക് അടിക്കാതെ കണ്ടുതീർക്കാൻ പറ്റാത്ത കാഴ്ചയാണെന്നും, വീഡിയോ കണ്ടപ്പോൾ കണ്ണ് നിറഞ്ഞുപോയെന്നും തുടങ്ങി നിരവധി കമന്റുകളാണ് ആളുകൾ പങ്കുവെക്കുന്നത്.
Man Surprises Parents With Unexpected Return From Canada After 5 Years
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
