ഓട്ടവ: വോണിലെ പ്രശസ്തമായ അമ്യൂസ്മെന്റ് പാർക്കിൽ യുവതിക്ക് നേരെ ലൈംഗികാതിക്രമം. സംഭവത്തിൽ19-കാരനായ ഇന്ത്യൻ വംശജൻ അറസ്റ്റിൽ. പഞ്ചാബ് സ്വദേശിയും നിലവിൽ ഗ്രേറ്റർ ടൊറന്റോ ഏരിയയിലെ ബ്രാംപ്ടണിൽ താമസക്കാരനുമായ ജുഗാദ് ധാമി എന്ന യുവാവിനെയാണ് യോർക്ക് റീജിയണൽ പോലീസ് അറസ്റ്റ് ചെയ്തത്.
റൈഡിൽ കയറുന്നതിനിടെയാണ് സംഭവം. സുരക്ഷാ പരിശോധന നടത്തുന്നതിനിടെ റൈഡ് ഓപ്പറേറ്ററായ ജുഗാദ് ധാമി പെൺകുട്ടിയോട് അതിക്രമം കാണിക്കുകയായിരുന്നെന്ന് പോലീസ് വ്യക്തമാക്കി. മെയ് 25-നായിരുന്നു കേസിനാസ്പദമായ സംഭവം നടന്നത്. കൂട്ടുകാരോടൊപ്പം അമ്യൂസ്മെന്റ് പാർക്കിലെത്തിയ പെൺകുട്ടിയാണ് പീഡനത്തിനിരയായത്. സംഭവത്തിൽ യുവാവിനെതിരെ ലൈംഗികാതിക്രമം , കുട്ടികൾക്കെതിരെയുള്ള ലൈംഗിക അതിക്രമം എന്നീ വകുപ്പുകൾ ചുമത്തി കേസ് രജിസ്റ്റർ ചെയ്തിട്ടുണ്ട്.
പ്രതി കൂടുതൽ ആളുകളെ സമാനമായ രീതിയിൽ ഉപദ്രവിച്ചിട്ടുണ്ടോ എന്ന് സംശയിക്കുന്നതായി പോലീസ് അറിയിച്ചു. ഇതിന്റെ ഭാഗമായി പ്രതിയുടെ ചിത്രം പോലീസ് പരസ്യപ്പെടുത്തിയിട്ടുണ്ട്. ഇത്തരം അതിക്രമങ്ങൾക്ക് ഇരയായവർ ധൈര്യപൂർവ്വം മുന്നോട്ട് വരണമെന്നും പരാതി നൽകണമെന്നും യോർക്ക് റീജിയണൽ പോലീസ് അഭ്യർത്ഥിച്ചു. ലൈംഗിക കുറ്റകൃത്യങ്ങൾക്ക് സമയപരിധി ബാധകമല്ലെന്നും എത്ര കാലം കഴിഞ്ഞാലും കുറ്റവാളികൾക്കെതിരെ നിയമനടപടി സ്വീകരിക്കുമെന്നും പോലീസ് വ്യക്തമാക്കി.
Indian-origin 19-year-old charged with sexual assault at Canadian amusement park
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
