ബിഹാർ: ബിഹാറിന്റെ സ്വന്തം ‘മഖാന’ ഇനി കാനഡയിലും തരംഗമാകുന്നു. ചരിത്രത്തിലാദ്യമായി ഏഴ് മെട്രിക് ടൺ പ്രോസസ്സ് ചെയ്ത മഖാനയാണ് ബിഹാറിലെ ദർഭംഗയിൽ നിന്ന് കാനഡയിലേക്ക് കടൽമാർഗ്ഗം കയറ്റി അയച്ചത്.
കേന്ദ്ര വാണിജ്യ വ്യവസായ മന്ത്രാലയത്തിന് കീഴിലുള്ള ‘അപെഡ’യുടെ (APEDA) നേതൃത്വത്തിലാണ് ഈ കൂറ്റൻ കയറ്റുമതി സാധ്യമാക്കിയത്. ഗുജറാത്തിലെ മുന്ദ്ര തുറമുഖം വഴി ഫ്ലേവർ ചെയ്തതും ആകർഷകമായി പാക്ക് ചെയ്തതുമായ മഖാന കാനഡയിലെ ‘ZKV ഫുഡ്സിന്’ എത്തിച്ചുനൽകും. ദർഭംഗയിലെ നുട്രിവെൻ അഗ്രോ പ്രൈവറ്റ് ലിമിറ്റഡാണ് ഇത് സംസ്കരിച്ച് പാക്ക് ചെയ്തത്.
ഇന്ത്യയിലെ മഖാന ഉൽപ്പാദനത്തിന്റെ 90 ശതമാനവും ബിഹാറിലെ മിഥില മേഖലയിലാണ് നടക്കുന്നത്. ജി.ഐ ടാഗ് പദവിയുള്ള മിഥില മഖാന പ്രോട്ടീനും ഫൈബറും സമൃദ്ധമായി അടങ്ങിയ, കുറഞ്ഞ കലോറിയുള്ള മികച്ചൊരു ഹെൽത്തി സ്നാക്കാണ്. പച്ചയായി വിൽക്കുന്നതിന് പകരം പ്രോസസ്സ് ചെയ്ത് ബ്രാൻഡ് ചെയ്ത് കയറ്റി അയക്കുന്നത് വഴി കർഷകർക്ക് 50 ശതമാനത്തിലേറെ അധിക വരുമാനം ലഭിക്കാൻ ഇത് സഹായിക്കുന്നു.
Bihar Exports 7 Metric Tonnes Of Makhana To Canada
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
