ഹാലിഫാക്സ് : പ്രിൻസ് എഡ്വേർഡ് ഐലൻഡ്, നോവ സ്കോഷ്യ എന്നീ പ്രവിശ്യകൾക്കായി പുതിയ ഏരിയ കോഡ് അനുവദിച്ചതായി കനേഡിയൻ റേഡിയോ-ടെലിവിഷൻ ആൻഡ് ടെലികമ്മ്യൂണിക്കേഷൻസ് കമ്മീഷൻ (CRTC) അറിയിച്ചു. നിലവിലുള്ള നമ്പറുകൾ പൂർണ്ണമായി തീരുന്നതിന് മുൻപായി ‘851’ എന്ന പുതിയ ഏരിയ കോഡ് 2028 മേയ് 27 മുതൽ ഇരു പ്രവിശ്യകളിലും നടപ്പിലാക്കുമെന്ന് സി.ആർ.ടി.സി ബുധനാഴ്ച പുറപ്പെടുവിച്ച ഉത്തരവിൽ വ്യക്തമാക്കി.
രണ്ട് പ്രവിശ്യകളിലും 2029 ഫെബ്രുവരിയോടെ പുതിയ ഫോൺ നമ്പറുകളുടെ ക്ഷാമം നേരിടുമെന്നും അതിനാൽ പുതിയ ഏരിയ കോഡ് ആവശ്യമാണെന്നും അഡ് ഹോക് കമ്മിറ്റി ശുപാർശ ചെയ്തിരുന്നു. ഈ റിപ്പോർട്ട് അംഗീകരിച്ചാണ് കമ്മീഷൻ ഉത്തരവിറക്കിയത്. ടെലികോം സേവന ദാതാക്കൾക്കും ഉപഭോക്താക്കൾക്കും ആവശ്യമായ സാങ്കേതിക മാറ്റങ്ങൾ വരുത്തുന്നതിനായി, പറഞ്ഞിരിക്കുന്ന കാലാവധിക്ക് 10 മാസം മുൻപേ പുതിയ കോഡ് സജ്ജമാക്കാനാണ് തീരുമാനിച്ചിട്ടുള്ളത്.
നേരത്തെ ‘902’ എന്ന ഒറ്റ ഏരിയ കോഡ് മാത്രമുണ്ടായിരുന്ന ഈ പ്രവിശ്യകളിൽ 2014-ലാണ് ‘782’ എന്ന രണ്ടാമത്തെ ഏരിയ കോഡ് സി.ആർ.ടി.സി അവതരിപ്പിച്ചത്. രണ്ടാമത്തെ കോഡ് നിലവിൽ വന്നതോടെയാണ് ലോക്കൽ കോളുകൾക്ക് 10 അക്ക ഫോൺ നമ്പർ നിർബന്ധമാക്കിയത്. നിലവിലുള്ള നമ്പറുകൾ തീരുന്നതിന് വളരെ മുൻപുതന്നെ പുതിയ ഏരിയ കോഡുകൾ അവതരിപ്പിക്കുന്ന രീതിയാണ് കനേഡിയൻ നമ്പറിംഗ് അഡ്മിനിസ്ട്രേറ്റർ സ്വീകരിച്ചുപോരുന്നത്.
Expanding telecom service: CRTC introduces new area codes for Nova Scotia and Prince Edward Island
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
