ഹാലിഫാക്സ്: ഹാലിഫാക്സിൽ ആംഗസ് എൽ. മക്ഡൊണാൾഡ് പാലത്തിന് സമീപം ഇ-ബൈക്ക് യാത്രക്കാരനെ മോട്ടോർസൈക്കിൾ ഇടിച്ചുവീഴ്ത്തിയ സംഭവത്തിൽ പ്രതിയെ തിരിച്ചറിയാൻ പൊതുജനങ്ങളുടെ സഹായം തേടി പോലീസ്. കഴിഞ്ഞ വ്യാഴാഴ്ച രാത്രി ഒമ്പതരയോടെ ഡാർട്ട്മൗത്തിലെ നാന്റക്കറ്റ് അവന്യൂ, വൈസ് റോഡിലാണ് അപകടമുണ്ടായത്. സംഭവം നടന്നയുടൻ മോട്ടോർസൈക്കിൾ ഡ്രൈവർ സ്ഥലത്തുനിന്ന് രക്ഷപ്പെട്ടതിനാലാണ് ഹാലിഫാക്സ് റീജിയണൽ പോലീസ് അന്വേഷണം ഊർജിതമാക്കിയത്.
ഡാർട്ട്മൗത്ത് ഭാഗത്തുനിന്ന് പാലത്തിലേക്ക് പ്രവേശിക്കുകയായിരുന്ന മോട്ടോർസൈക്കിൾ പെട്ടെന്ന് യു-ടേൺ എടുത്ത് കാൽനടയാത്രക്കാരുടെ വഴിയിലേക്ക് കയറുകയും, അവിടെ റോഡ് മുറിച്ചുകടക്കുകയായിരുന്ന ഇ-ബൈക്ക് യാത്രക്കാരനെ ബോധപൂർവം ഇടിച്ചുവീഴ്ത്തുകയുമായിരുന്നു എന്ന് പോലീസ് വ്യക്തമാക്കി. സംഭവത്തിന്റെ സിസിടിവി ദൃശ്യങ്ങൾ പോലീസ് പുറത്തുവിട്ടിട്ടുണ്ട്. അക്രമത്തിന് ശേഷം പ്രതി വാഹനം നിർത്താതെ പോവുകയായിരുന്നു.
ലൈറ്റ് നിറത്തിലുള്ള സൈഡ് പാനലുള്ള കറുത്ത സ്പോർട്സ് ബൈക്കാണ് പ്രതി ഓടിച്ചിരുന്നതെന്ന് പോലീസ് അറിയിച്ചു. . പ്രതിയെക്കുറിച്ചോ വാഹനത്തെക്കുറിച്ചോ എന്തെങ്കിലും വിവരങ്ങൾ ലഭിക്കുന്നവർ 902-490-5020 എന്ന നമ്പറിലോ നോവ സ്കോഷ്യാ ക്രൈം സ്റ്റോപ്പേഴ്സ് വെബ്സൈറ്റ് വഴിയോ വിവരങ്ങൾ അറിയിക്കണമെന്ന് പോലീസ് അഭ്യർത്ഥിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Motorcycle knocks down e-bike rider; Halifax police intensify search for suspect.
