ഡൽഹൗസി യൂണിവേഴ്സിറ്റിയിലെ എല്ലാ ഹെൽത്ത് കെയർ ബിരുദധാരികൾക്കും ജോലി നൽകാനുള്ള പദ്ധതി വിജയകരമായി മുന്നേറുകയാണെന്ന് നോവ സ്കോഷ്യ ഹെൽത്ത് അറിയിച്ചു. ഈ വർഷത്തെ ബിരുദധാരികളിൽ 40 ശതമാനം പേരെ നോവ സ്കോഷ്യ ഹെൽത്ത് ഇതിനകം നിയമിച്ചതായി സി.ബി.സി ന്യൂസിന് നൽകിയ കണക്കുകൾ വ്യക്തമാക്കുന്നു. 2021-ലാണ് സർവകലാശാലയിലെ മുഴുവൻ ഹെൽത്ത് കെയർ വിദ്യാർത്ഥികൾക്കും ജോലി നൽകുന്ന പദ്ധതിക്ക് സംസ്ഥാനം തുടക്കമിട്ടത്.
വിവിധ മേഖലകളിൽ നിയമന നിരക്ക് വ്യത്യസ്തമാണെങ്കിലും ഡസൻ കണക്കിന് ബിരുദധാരികളുമായി ചർച്ചകൾ തുടരുകയാണെന്ന് റിക്രൂട്ട്മെന്റ് ആൻഡ് വോളന്റിയർ സർവീസസ് ഡയറക്ടർ ലോറ ഒബ്രിയൻ പറഞ്ഞു. 2024-ൽ ആരംഭിച്ച ഫിസിഷ്യൻ അസിസ്റ്റന്റ് പ്രോഗ്രാമിലാണ് ഏറ്റവും കൂടുതൽ പേരെ നിയമിച്ചത്; 22 ബിരുദധാരികളിൽ 17 പേരും സംസ്ഥാനത്ത് ജോലി സ്വീകരിച്ചു. നേരെമറിച്ച്, നേഴ്സ് പ്രാക്ടീഷണർ പ്രോഗ്രാമിലെ 24 ശതമാനം പേർ മാത്രമാണ് (15 വിദ്യാർത്ഥികൾ) ഇതുവരെ തുടരാൻ സമ്മതിച്ചിട്ടുള്ളത്. കൂടാതെ, രജിസ്റ്റേർഡ് നേഴ്സുമാരുടെ ബാച്ചിലെ 40 ശതമാനം വരുന്ന 88 പേരുമായി കരാറൊപ്പിട്ടിട്ടുണ്ട്.
പ്രവിശ്യയിൽ തന്നെ തുടരുന്നതിന് പണം മാത്രമല്ല പ്രധാന ഘടകമെന്നും ആളുകൾ അവരുടെ വ്യക്തിപരമായ താൽപ്പര്യങ്ങൾക്കനുസരിച്ചാണ് സ്ഥലം തിരഞ്ഞെടുക്കുന്നതെന്നും ഒബ്രിയൻ വിലയിരുത്തി. എന്നാൽ ഈ വാദത്തോട് നോവ സ്കോഷിയ ഗവൺമെന്റ് ആൻഡ് ജനറൽ എംപ്ലോയീസ് യൂണിയൻ (NSGEU) പ്രസിഡന്റ് സാൻഡ്ര മുള്ളൻ വിയോജിച്ചു. കടുത്ത മത്സരമുള്ള തൊഴിൽ വിപണിയിൽ മികച്ച വേതനവും മെച്ചപ്പെട്ട സേവന സാഹചര്യങ്ങളും വാഗ്ദാനം ചെയ്യേണ്ടത് അത്യന്താപേക്ഷിതമാണെന്ന് സാൻഡ്ര മുള്ളൻ അഭിപ്രായപ്പെട്ടു. എങ്കിലും നിലവിലെ റിക്രൂട്ട്മെന്റ് കണക്കുകൾ മുൻവർഷങ്ങളെ അപേക്ഷിച്ച് പുരോഗതി കാണിക്കുന്നുണ്ടെന്ന് അവർ സമ്മതിച്ചു.
Guaranteed jobs for Dalhousie University students: Nova Scotia Health’s plan makes great progress
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
