നോവ സ്കോഷ്യയിലെ പോയിന്റ് ടപ്പർ ലാൻഡ്റി ലേക്ക് വാട്ടർ യൂട്ടിലിറ്റിയിലെ വ്യവസായ ഉപഭോക്താക്കളുടെ ജലനിരക്കുകൾ വർദ്ധിപ്പിച്ചു. ഇതോടൊപ്പം, പ്ലാൻ ചെയ്തിട്ടുള്ള ഗ്രീൻ ഹൈഡ്രജൻ പദ്ധതിക്കായി പ്രത്യേക ഉപഭോക്തൃ വിഭാഗം രൂപീകരിക്കുന്നതിനും നോവ സ്കോഷ്യ റെഗുലേറ്ററി ആൻഡ് അപ്പീൽസ് ബോർഡ് അംഗീകാരം നൽകി. പ്രവർത്തനച്ചെലവിലുണ്ടായ വർദ്ധനവും മൂലധനച്ചെലവുകളും നികത്തുന്നതിനാണ് നിരക്ക് വർദ്ധനവെന്ന് യൂട്ടിലിറ്റി വ്യക്തമാക്കിയതിനെ തുടർന്നാണ് ബോർഡിന്റെ നടപടി. അടുത്ത മൂന്ന് വർഷത്തിനുള്ളിൽ ഘട്ടം ഘട്ടമായി നടപ്പിലാക്കുന്ന നിരക്ക് വർദ്ധനവിലൂടെ നിലവിലുള്ള ഉപഭോക്താക്കൾക്ക് മൊത്തത്തിൽ 20 ശതമാനത്തോളം നിരക്ക് വർദ്ധിക്കും.
റിച്ച്മണ്ട് കൗണ്ടിയിലെ പോയിന്റ് ടപ്പർ ഇൻഡസ്ട്രിയൽ പാർക്കിലുള്ള പോർട്ട് ഹോക്സ്ബറി പേപ്പർ, നോവ സ്കോഷ്യ പവർ തുടങ്ങിയ സ്ഥാപനങ്ങളാണ് നിലവിലുള്ള ഉപഭോക്താക്കളിൽ ഉൾപ്പെടുന്നത്. പോർട്ട് ഹോക്സ്ബറി ടൗണും ലാൻഡ്റി ലേക്ക് യൂട്ടിലിറ്റിയിൽ നിന്നാണ് വെള്ളം വാങ്ങുന്നത്. എന്നാൽ ടൗണിന് സ്വന്തമായി ഉപഭോക്തൃ നിരക്കുകളുള്ള പ്രത്യേക യൂട്ടിലിറ്റി ഉള്ളതിനാൽ ഈ വർദ്ധനവ് നിവാസികളെ ഉടനടി ബാധിക്കില്ല. അതേസമയം, മേഖലയിൽ ഗ്രീൻ ഹൈഡ്രജൻ പ്ലാന്റ് നിർമ്മിക്കാൻ പദ്ധതിയിടുന്ന എവർവിൻഡ് ഫ്യൂവൽസ്, ശുദ്ധീകരിക്കാത്ത വെള്ളത്തിനായി പ്രതിവർഷം ഏകദേശം 74,000 ഡോളർ സ്ഥിര നിരക്കായി നൽകണം.
പ്രാഥമിക നിരക്ക് നിർദ്ദേശത്തിൽ സ്വന്തമായി പമ്പിംഗ് സ്റ്റേഷനും പൈപ്പ്ലൈനും നിർമ്മിച്ച് പ്രതിവർഷം 50,000 ഡോളർ സ്ഥിര നിരക്കിൽ വെള്ളം ശേഖരിക്കാനായിരുന്നു എവർവിൻഡ് ലക്ഷ്യമിട്ടിരുന്നത്. എന്നാൽ ബോർഡിന്റെ ഇടപെടലിനെ തുടർന്ന് എവർവിൻഡിന്റെ നിരക്ക് വർദ്ധിപ്പിക്കുകയായിരുന്നു. നിലവിലുള്ള ഉപഭോക്താക്കളുടെ നിരക്ക് വർദ്ധനവും എവർവിൻഡിൽ നിന്ന് ഈടാക്കുന്ന നിരക്കും രണ്ട് വ്യത്യസ്ത വിഷയങ്ങളാണെന്ന് മേയിൽ നടന്ന ഹിയറിംഗിൽ ബോർഡിനെ അറിയിച്ചിരുന്നു. ഗ്രീൻ ഹൈഡ്രജനായി പ്രതിദിനം 10 ദശലക്ഷം ലിറ്റർ വെള്ളം എവർവിൻഡിന് നൽകാനുള്ള ശേഷി ലാൻഡ്റി ലേക്കിനുണ്ടെന്നും അധികൃതർ അറിയിച്ചു.
Water rates for industries in Nova Scotia will increase; details of new rates released
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
