ഫുട്ബോൾ വെറുമൊരു കളിയല്ല, അത് അത്ഭുതങ്ങളുടെ ഒരു കലണ്ടറാണ്. കാലം എങ്ങനെയാണ് വട്ടം കറങ്ങി വരുന്നത് എന്നതിന് ഇതിലും വലിയൊരു തെളിവ് വേറെയുണ്ടോ? അർജന്റീനയുടെ ഇതിഹാസം ലയണൽ മെസ്സിയും, സ്പെയിനിന്റെ യുവരക്തം ലമിൻ യമാലും. 2007-ൽ ഒരു കുഞ്ഞു ബക്കറ്റിൽ കുളിച്ചുനിന്ന അതേ ബാലനാണ്, 2026-ലെ ലോകകപ്പ് ഫൈനലിൽ മെസ്സിയുടെ നേർക്കുനേർ നിന്ന് പന്തുതട്ടാൻ ഒരുങ്ങുന്നത്!
ഓർമ്മയില്ലേ ആ ചിത്രം? 2007-ൽ ഒരു ചാരിറ്റി കലണ്ടർ ഷൂട്ടിനുവേണ്ടി എടുത്ത ഫോട്ടോ. അന്ന് മെസ്സിക്ക് ഇരുപത് വയസ്സ്, കുഞ്ഞായ യമാലിനെ മെസ്സി സ്നേഹത്തോടെ കുളിപ്പിക്കുന്ന ചിത്രം. ആ കൈകളിൽ തലോടിയ സ്നേഹം അന്ന് ആരും തിരിച്ചറിഞ്ഞില്ലെങ്കിലും, വിധി അന്ന് തീരുമാനിച്ചതാണ്- ഇവരിരുവരും തമ്മിൽ ഒരു വലിയ ബന്ധമുണ്ടെന്ന്.
ഏകദേശം രണ്ട് പതിറ്റാണ്ടുകൾക്ക് ശേഷം, ഫുട്ബോൾ ലോകം മറ്റൊരു വിസ്മയത്തിന് സാക്ഷ്യം വഹിക്കുന്നു. മെസ്സി തന്റെ അവസാന ലോകകപ്പിൽ കിരീടം സ്വപ്നം കാണുമ്പോൾ, അദ്ദേഹത്തെ തടയാൻ വരുന്നത് അതേ യമാലാണ്. മെസ്സിയുടെ തോളിൽ നിന്ന് പന്ത് തട്ടാൻ പഠിച്ച യമാൽ, ഇന്ന് സ്പാനിഷ് മുന്നേറ്റത്തിന്റെ കുന്തമുനയാണ്.മെസ്സിയെ പോലെ തന്നെ ബാഴ്സയുടെ യൂത്ത് അക്കാദമിയായ ലാ മാസിയയിലൂടെയായിരുന്നു യമാലിന്റെയും വളർച്ച.
ഫുട്ബോൾ ഗ്രൗണ്ടിൽ ‘ഗുരു’വും ‘ശിഷ്യനും’ മുഖാമുഖം നിൽക്കുന്ന നിമിഷം! മെസ്സിയുടെ മാന്ത്രികതയോ, യമാലിന്റെ വേഗതയോ? ആര് വിജയിച്ചാലും, ഈ മത്സരം ഫുട്ബോൾ ചരിത്രത്തിൽ ഒരു സുവർണ്ണ അധ്യായമായി എഴുതപ്പെടും. ഒരു കുഞ്ഞ്, വളർന്നു വലുതായി തന്റെ ഹീറോയെത്തന്നെ നേരിടാൻ നിൽക്കുന്നതിനേക്കാൾ വലിയൊരു തിരക്കഥ ഫുട്ബോളിന് വേറെയെന്ത് വേണം?”
19 വർഷങ്ങൾക്ക് മുമ്പത്തെ ആ ചിത്രം ഇന്ന് സോഷ്യൽ മീഡിയയിൽ വൈറലാവുമ്പോൾ, ഒരു കാര്യം കൂടി തെളിയുന്നു. ഫുട്ബോൾ ഒരു വൃത്തമാണ്, അത് എപ്പോൾ വേണമെങ്കിലും കറങ്ങി വരും. മെസ്സിയുടെ വിടവാങ്ങലാണോ, അതോ പുതിയൊരു രാജകുമാരന്റെ ഉദയമാണോ? ഉത്തരം അറിയാൻ ലോകം ആകാംക്ഷയോടെ കാത്തിരിക്കുന്നു.
Resurfaced 2007 UNICEF calendar photoshoot featuring 20-year-old Messi and 5-month-old Yamal.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
