കൊച്ചി: വിവാദ ഉള്ളടക്കങ്ങളിലൂടെ ശ്രദ്ധേയനായ യൂട്യൂബർ ‘തൊപ്പി’ എന്ന നിഹാദിന്റെ യൂട്യൂബ് ചാനൽ പൂട്ടിപ്പൂട്ടി. സമൂഹമാധ്യമങ്ങളിലൂടെ അശ്ലീല ദൃശ്യങ്ങൾ പങ്കുവെച്ചതിനെ തുടർന്ന് പൊലീസ് നൽകിയ ഔദ്യോഗിക റിപ്പോർട്ടിന്റെ അടിസ്ഥാനത്തിലാണ് നടപടി. സുഹൃത്തുക്കളുടെ നഗ്ന വീഡിയോയാണ് തൊപ്പി തന്റെ ചാനലിലൂടെ പോസ്റ്റ് ചെയ്തതെന്ന് പൊലീസ് കണ്ടെത്തിയിരുന്നു. ഇതിന് പിന്നാലെയാണ് ചാനലിനെതിരെ കർശന നടപടിയുമായി അധികൃതർ രംഗത്തെത്തിയത്.
അശ്ലീല ദൃശ്യങ്ങൾ പ്രചരിപ്പിച്ച സംഭവത്തിൽ എറണാകുളം റൂറൽ സൈബർ പൊലീസാണ് നിഹാദിനെതിരെ ഐടി (IT) നിയമപ്രകാരം കേസെടുത്തത്. അഭിഭാഷകനായ ശ്രീജിത്ത് പെരുമന നൽകിയ പരാതിയുടെ അടിസ്ഥാനത്തിലായിരുന്നു പൊലീസിന്റെ ആദ്യഘട്ട അന്വേഷണം. തുടർന്ന് തൊപ്പിയുടെ വിവിധ സമൂഹമാധ്യമ അക്കൗണ്ടുകൾ വിശദമായി പരിശോധിച്ച ശേഷമാണ് ചാനൽ പൂട്ടിക്കുന്നതിലേക്ക് നയിച്ച ശക്തമായ നടപടികളിലേക്ക് പൊലീസ് കടന്നത്.
കേസിൽ അറസ്റ്റ് ഒഴുവാക്കാനായി തൊപ്പി നൽകിയ മുൻകൂർ ജാമ്യാപേക്ഷയെ എറണാകുളം റൂറൽ പൊലീസ് ശക്തമായി എതിർത്തു. കോടതിയിൽ സമർപ്പിച്ച റിപ്പോർട്ടിൽ പ്രതി ചെയ്തത് അതീവ ഗൗരവ സ്വഭാവമുള്ള കുറ്റമാണെന്ന് പൊലീസ് വ്യക്തമാക്കുന്നുണ്ട്. സമൂഹമാധ്യമങ്ങളിലൂടെയുള്ള ഇത്തരം നിയമവിരുദ്ധമായ പ്രവർത്തനങ്ങൾക്കെതിരെ ശക്തമായ നിയമനടപടികളുമായി മുന്നോട്ടുപോകാനാണ് സൈബർ പൊലീസിന്റെ തീരുമാനം.
Police block YouTuber ‘Thoppi’s’ channel for sharing obscene footage!
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
