അന്താരാഷ്ട്ര യാത്രക്കാർക്കായി ആകർഷകമായ ഓഫറുകളുമായി എയർ ഇന്ത്യ എക്സ്പ്രസ്. ‘എക്സ്പ്ലോർ മോർ സെയിൽ’ (Explore More Sale) എന്ന പേരിൽ അവതരിപ്പിച്ചിരിക്കുന്ന പുതിയ പദ്ധതിയിലൂടെ അന്താരാഷ്ട്ര വിമാന ടിക്കറ്റുകൾക്ക് 15 ശതമാനം വരെ കിഴിവാണ് കമ്പനി വാഗ്ദാനം ചെയ്യുന്നത്. അടുത്ത വർഷം (2027) മാർച്ച് 27 വരെയുള്ള യാത്രകൾക്കായി ഈ മാസം ജൂലൈ 9 വരെ ടിക്കറ്റുകൾ ബുക്ക് ചെയ്യുന്നവർക്കാണ് ഈ ആനുകൂല്യം ലഭിക്കുക.
എയർ ഇന്ത്യ എക്സ്പ്രസിന്റെ മൊബൈൽ ആപ്പ്, ഔദ്യോഗിക വെബ്സൈറ്റ് എന്നിവയ്ക്ക് പുറമെ ജൂലൈ 6 മുതൽ മറ്റ് ബുക്കിംഗ് ചാനലുകൾ വഴിയും ഈ ഓഫറിൽ ടിക്കറ്റുകൾ ലഭ്യമാക്കിത്തുടങ്ങിയിട്ടുണ്ട്. ‘എക്സ്പ്രസ് ലൈറ്റ്’, ‘എക്സ്പ്രസ് വാല്യൂ’ എന്നീ രണ്ട് യാത്രാ നിരക്കുകളിലാണ് നിലവിൽ ഈ ഓഫർ പ്രഖ്യാപിച്ചിരിക്കുന്നത്. ഓഫർ കാലയളവിൽ കമ്പനിയുടെ വെബ്സൈറ്റ് വഴിയോ ആപ്പ് വഴിയോ നേരിട്ട് ബുക്ക് ചെയ്യുന്ന ടിക്കറ്റുകൾക്ക് പ്രത്യേക കൺവീനിയൻസ് ഫീ ഈടാക്കില്ല എന്നതും യാത്രക്കാർക്ക് വലിയ ആശ്വാസമാകും.
ടിക്കറ്റ് ബുക്ക് ചെയ്ത ശേഷം യാത്രാ തീയതിയിൽ മാറ്റം വരുത്തേണ്ടി വന്നാൽ ഒരു തവണ സൗജന്യമായി അതിനുള്ള അവസരവും എയർ ഇന്ത്യ എക്സ്പ്രസ് നൽകുന്നുണ്ട്. കൂടാതെ ടാറ്റാ ന്യൂപാസ് (Tata NeuPass) അംഗങ്ങൾക്ക് 500 രൂപ വരെയുള്ള അധിക ഡിസ്കൗണ്ടും, എട്ട് ശതമാനം വരെ ന്യൂകോയിനുകളും (NeuCoins) ഈ ഓഫറിന്റെ ഭാഗമായി സ്വന്തമാക്കാൻ സാധിക്കുമെന്ന് കമ്പനി അറിയിച്ചു.
Fly in the sky till March 27th! Air India Express with a special offer
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
