കാരക്കാസ്: വെനിസ്വേലയെ തകർത്തെറിഞ്ഞ ഇരട്ട ഭൂചലനങ്ങളിൽ മരണസംഖ്യ 960 ആയി ഉയർന്നു. പരിക്കേറ്റ് വിവിധ ആശുപത്രികളിൽ ചികിത്സയിൽ കഴിയുന്നവരുടെ എണ്ണം മൂവായിരം കടന്നതായും അരലക്ഷത്തോളം പേരെ കാണാതായതായും അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു. തകർന്നുവീണ നൂറുകണക്കിന് കെട്ടിടങ്ങളുടെ അവശിഷ്ടങ്ങൾക്കിടയിൽ ഇനിയും ഒട്ടനവധി ആളുകൾ കുടുങ്ങിക്കിടക്കുന്നുണ്ട്. കനത്ത നാശനഷ്ടമുണ്ടായ ദുരന്തബാധിത പ്രദേശങ്ങളിലേക്ക് അടിയന്തര രക്ഷാസേനയ്ക്ക് പൂർണ്ണമായി എത്തിച്ചേരാൻ സാധിക്കാത്തതും അവശിഷ്ടങ്ങൾക്കിടയിലെ തിരച്ചിൽ തുടരുന്നതും ആശങ്ക വർദ്ധിപ്പിക്കുന്നുണ്ട്. വരും ദിവസങ്ങളിൽ മരണസംഖ്യ ഇനിയും ഉയരാനാണ് സാധ്യതയെന്ന് അധികൃതർ വ്യക്തമാക്കുന്നു.
രാജ്യത്ത് ഒരു നൂറ്റാണ്ടിനിടയിലുണ്ടായ ഏറ്റവും ശക്തമായ ഭൂകമ്പങ്ങളിലൊന്നാണിത്. ബുധനാഴ്ച രാത്രി കരീബിയൻ തീരമേഖല കേന്ദ്രീകരിച്ച് വെറും ഒരു മിനിറ്റിന്റെ വ്യത്യാസത്തിലാണ് റിക്ടർ സ്കെയിലിൽ 7.1, 7.5 എന്നിങ്ങനെ തീവ്രത രേഖപ്പെടുത്തിയ രണ്ട് അതിശക്തമായ ഭൂചലനങ്ങൾ ഉണ്ടായത്. തലസ്ഥാനമായ കാരക്കാസ് ഉൾപ്പെടെയുള്ള പ്രമുഖ നഗരങ്ങളിലെല്ലാം വൻ കെട്ടിടങ്ങൾ ഉൾപ്പെടെ തകർന്നടിഞ്ഞു. നിലവിൽ ദുരന്തബാധിത മേഖലകളിൽ അതിവേഗത്തിലുള്ള രക്ഷാപ്രവർത്തനങ്ങൾ പുരോഗമിക്കുകയാണ്.
Twin earthquakes shake Venezuela: Death toll rises to 960, nearly half a million missing
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
