ടൊറന്റോ: കാനഡയിൽ ജീവിതച്ചെലവും വീട്ടുവാടകയും കുതിച്ചുയരുന്ന സാഹചര്യത്തിൽ, സാധാരണക്കാർക്ക് താങ്ങാനാവുന്ന വിലയിൽ വീട് വാങ്ങാൻ സാധിക്കുന്ന 15 മുൻനിര നഗരങ്ങളുടെ പട്ടിക പ്രമുഖ റിയൽ എസ്റ്റേറ്റ് കമ്പനിയായ റോയൽ ലെപേജ് (Royal LePage) പുറത്തുവിട്ടു. രാജ്യത്തെ പ്രധാന നഗരങ്ങളായ ടൊറന്റോ, വാൻകൂവർ, മോൺട്രിയൽ എന്നിവടങ്ങളിൽ ഭവനവില സാധാരണക്കാരുടെ കൈവിട്ടുപോയ സാഹചര്യത്തിലാണ് ഈ പുതിയ പഠനറിപ്പോർട്ട് വന്നിരിക്കുന്നത്. റിപ്പോർട്ട് പ്രകാരം ആൽബർട്ടയിലെ ലെത്ബ്രിഡ്ജ്, ന്യൂ ബ്രൺസ്വിക്കിലെ സെയ്ന്റ് ജോൺ, ഒന്റാരിയോയിലെ തണ്ടർ ബേ എന്നിവയാണ് കാനഡയിൽ ഏറ്റവും കുറഞ്ഞ ചെലവിൽ സ്വന്തമായി വീട് വാങ്ങാൻ കഴിയുന്ന ആദ്യ മൂന്ന് നഗരങ്ങൾ.
അനുയോജ്യമായ ജോലിയോ അല്ലെങ്കിൽ റിമോട്ട് ജോലി ചെയ്യാനുള്ള അവസരമോ ലഭിക്കുകയാണെങ്കിൽ ടൊറന്റോ ഉൾപ്പെടെയുള്ള വൻനഗരങ്ങളിൽ താമസിക്കുന്ന 51 ശതമാനത്തോളം ആളുകളും ഈ ചെലവുകുറഞ്ഞ ചെറുനഗരങ്ങളിലേക്ക് മാറാൻ സന്നദ്ധരാണെന്ന് സർവേ വ്യക്തമാക്കുന്നു. വലിയ നഗരങ്ങളിലെ വീടുവിലയിൽ കഴിഞ്ഞ കുറച്ചുകാലമായി നേരിയ കുറവുണ്ടായിട്ടുണ്ടെങ്കിലും സാധാരണ കുടുംബങ്ങൾക്ക് ഇപ്പോഴും ഇവ വാങ്ങുക എന്നത് വലിയൊരു സാമ്പത്തിക ബാധ്യതയാണെന്ന് റോയൽ ലെപേജ് ചീഫ് എക്സിക്യൂട്ടീവ് ഓഫീസർ ഫിൽ സോപ്പർ അറിയിച്ചു.
ഉയർന്ന വിലയുള്ള നഗരങ്ങളിൽ വീട് വാങ്ങാനുള്ള തടസ്സങ്ങൾ തുടരുന്നതിനാൽ, ചെലവുകുറഞ്ഞ ചെറുനഗരങ്ങളിലേക്ക് താമസം മാറ്റുന്നത് ഇപ്പോൾ ആളുകൾ ഒരു അവസാന മാർഗമായല്ല കാണുന്നത്. മറിച്ച് ജീവിതം കൂടുതൽ എളുപ്പമാക്കാനായി കൃത്യമായ ആസൂത്രണത്തോടെ എടുക്കുന്ന തീരുമാനമാണെന്നും അദ്ദേഹം കൂട്ടിച്ചേർത്തു. സ്റ്റാറ്റിസ്റ്റിക്സ് കാനഡയുടെ വരുമാനക്കണക്കുകളും 2026-ലെ ആദ്യ മൂന്ന് മാസങ്ങളിലെ ഭവന വിപണിയിലെ വില നിലവാരവും അടിസ്ഥാനമാക്കിയാണ് ഈ പഠനം തയാറാക്കിയിരിക്കുന്നത്. ഇരുപത് ശതമാനം ഡൗൺ പേയ്മെന്റും 4.64 ശതമാനം പലിശനിരക്കിൽ മൂന്ന് വർഷത്തെ സ്ഥിര മോർട്ട്ഗേജും കണക്കാക്കിയാണ് നഗരങ്ങളുടെ സാമ്പത്തിക സുരക്ഷിതത്വം വിലയിരുത്തിയത്.
പുതിയ തലമുറയിലെ യുവാക്കൾക്കിടയിലാണ് വൻനഗരങ്ങൾ ഉപേക്ഷിച്ച് ഇത്തരം ചെലവുകുറഞ്ഞ നഗരങ്ങളിലേക്ക് മാറാനുള്ള താല്പര്യം കൂടുതൽ ദൃശ്യമാകുന്നത്. സർവേയിൽ പങ്കെടുത്ത യുവതലമുറയിൽപ്പെട്ട (Gen Z) 77 ശതമാനം പേരും മില്ലേനിയൽസ് (Millennials) വിഭാഗത്തിലെ 56 ശതമാനം പേരും പുതിയ സ്ഥലങ്ങളിലേക്ക് മാറാൻ പൂർണ്ണ സന്നദ്ധത പ്രകടിപ്പിച്ചു. നിലവിലെ സാഹചര്യത്തിൽ സ്വന്തമായി ഒരു വീട് എന്നത് സമ്പന്നർക്ക് മാത്രം സാധ്യമാകുന്ന ഒന്നായി മാറിക്കഴിഞ്ഞു എന്ന ആശങ്ക ഭൂരിഭാഗം കനേഡിയൻ പൗരന്മാർക്കുമുണ്ട്. എങ്കിലും മെച്ചപ്പെട്ട ജീവിതസാഹചര്യവും സ്വന്തമായൊരു വീടും സ്വപ്നം കണ്ട് യുവാക്കൾ വലിയ തോതിൽ ഈ 15 നഗരങ്ങളിലേക്ക് കുടിയേറാൻ ഒരുങ്ങുന്നത് വരുംവർഷങ്ങളിൽ കാനഡയിലെ ഭവന വിപണിയിൽ വലിയ മാറ്റങ്ങൾക്ക് കാരണമാകുമെന്നാണ് വിലയിരുത്തപ്പെടുന്നത്.
കാനഡയിലെ ഏറ്റവും ചെലവുകുറഞ്ഞ 15 നഗരങ്ങളും ശരാശരി വീടുവിലയും (ചുരുക്കത്തിൽ):
- Lethbridge, Alta., (18.9 per cent), with an aggregate home price of $338,700
- Saint John, N.B., (19.6 per cent), with an aggregate home price of $265,900
- Thunder Bay, Ont., (20.3 per cent) with an aggregate home price of $339,900
- Red Deer, Alta., (24.9 per cent) with an aggregate home price of $447,200
- Regina, Sask., (25 per cent) with an aggregate home price of $397,900
- St. John’s, N.L., (26.3 per cent) with an aggregate home price of $377,900
- Edmonton, Alta., (26.3 per cent) with an aggregate home price of $472,30
- Trois-Rivières, Que., (27.3 per cent) with an aggregate home price of $400,100
- Fredericton, N.B., (27.8) with an aggregate home price of $377,200
- Winnipeg, Man., (27.9 per cent) with an aggregate home price of $424,500
- Windsor-Essex, Ont., (28.7 per cent) with an aggregate home price of $480,500
- Saskatoon, Sask., (28.8 per cent) with an aggregate home price of $458,000
- Sherbrooke, Que., (28.9 per cent) with an aggregate home price of $423,200
- Moncton, N.B., (29.5 per cent) with an aggregate home price of $399,300
- Charlottetown, P.E.I., (30.6 per cent) with an aggregate home price of $428,200
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Dreaming of owning your own home in Canada? These are the 15 cities that are perfect for you
