ലോകകപ്പ് ഫുട്ബോളിൽ ജർമ്മനിയുടെ മിറോസ്ലാവ് ക്ലോസെയുടെ സർവ്വകാല ഗോൾ റെക്കോർഡ് തകർത്ത് അർജന്റീന നായകൻ ലിയോണൽ മെസി. അമേരിക്കയിലെ ഡാലസിലുള്ള ആർലിംഗ്ടൺ സ്റ്റേഡിയത്തിൽ നടന്ന മത്സരത്തിൽ ഓസ്ട്രിയക്കെതിരെ 2 ഗോൾ നേടിയാണ് മെസി ഈ ചരിത്രനേട്ടം സ്വന്തമാക്കിയത്.
പന്ത്രണ്ടാം മിനിറ്റിൽ ലൗതാരോ മാർട്ടിനെസിനെ ഫൗൾ ചെയ്തതിനെ തുടർന്നാണ് അർജന്റീനയ്ക്ക് പെനൽറ്റി ലഭിച്ചത്. എന്നാൽ മെസി എടുത്ത കിക്ക് പോസ്റ്റിന് പുറത്തേക്കാണ് പോയത്. പിന്നീട് 38-ാം മിനിറ്റിൽ സഹതാരം മെദീന നൽകിയ പാസിൽ നിന്ന് ബോക്സിനകത്തു വച്ചാണ് മെസി ചരിത്ര ഗോൾ സ്വന്തമാക്കിയത്. കഴിഞ്ഞില്ല, മത്സരം അവസാനിക്കാൻ മിനിറ്റുകൾ മാത്രം ബാക്കിനിൽക്കെ, 94-ാം മിനിറ്റിൽ ജൂലിയൻ അൽവാരസിന്റെ നീക്കത്തിനൊടുവിൽ മെസ്സി തന്റെ രണ്ടാം ഗോളും നേടി. ഇതോടെ 16 ഗോളുകൾ നേടിയിരുന്ന ജർമ്മനിയുടെ മിറോസ്ലാവ് ക്ലോസെയുടെ റെക്കോർഡ് തകർത്ത് മെസിയുടെ 18-ാം ഗോൾ പിറന്നു.
ഈ ഗോളോടെ ലോകകപ്പിലെ മറ്റ് ചില പ്രധാന റെക്കോർഡുകൾക്കൊപ്പവും മെസി എത്തിയിട്ടുണ്ട്. ലോകകപ്പിൽ തുടർച്ചയായി ആറ് മത്സരങ്ങളിൽ ഗോൾ നേടുന്ന ജസ്റ്റ് ഫോണ്ടെയ്ൻ (ഫ്രാൻസ്), ജെയർസീഞ്ഞോ (ബ്രസീൽ) എന്നിവരുടെ റെക്കോർഡിനൊപ്പമാണ് മെസി എത്തിയത്. ടൂർണമെന്റിലെ ആദ്യ മത്സരത്തിൽ അൾജീരിയക്കെതിരെ ഹാട്രിക് നേടിയതോടെ, ലോകകപ്പിൽ ഹാട്രിക് നേടുന്ന ഏറ്റവും പ്രായം കൂടിയ താരമെന്ന ക്രിസ്റ്റ്യാനോ റൊണാൾഡോയുടെ റെക്കോർഡും മെസി മറികടന്നിരുന്നു. ആറ് ലോകകപ്പുകളിൽ കളിക്കുന്ന ആദ്യ ഫുട്ബോൾ താരമാണ് ലിയോണൽ മെസി. ഇതിനുപുറമേ, ലോകകപ്പിൽ ഏറ്റവും കൂടുതൽ മത്സരങ്ങൾ കളിച്ച താരമെന്ന റെക്കോർഡും (28 മത്സരങ്ങൾ), ഏറ്റവും കൂടുതൽ തവണ ‘മാൻ ഓഫ് ദി മാച്ച്’ പുരസ്കാരം നേടിയ താരമെന്ന റെക്കോർഡും (12 തവണ) മെസിയുടെ പേരിൽ തന്നെയാണ്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Klose's record broken; Messiah now owns the World Cup goal throne
