ബേ ഡു നോർഡ് പദ്ധതി: പ്രതീക്ഷയോടെ കാനഡ, എണ്ണ ശേഖരത്തിൽ വൻ വർധന; അന്തിമ തീരുമാനം 2027-ൽകാനഡയുടെ തീരപ്രദേശത്ത് നടപ്പിലാക്കാൻ ഉദ്ദേശിക്കുന്ന ബേ ഡു നോർഡ് എണ്ണ ഖനന പദ്ധതിയെക്കുറിച്ചുള്ള അന്തിമ തീരുമാനം 2027-ന്റെ തുടക്കത്തിൽ എടുക്കുമെന്ന് ഇക്വിനോർ അധികൃതർ അറിയിച്ചു. പദ്ധതിയിലെ എണ്ണ ശേഖരത്തിന്റെ കണക്കുകൾ പ്രതീക്ഷിച്ചതിലും വലിയ തോതിൽ ഉയർന്ന സാഹചര്യത്തിലാണ് കമ്പനി ഇത്തരമൊരു നിലപാടിലേക്ക് നീങ്ങുന്നത്.
നിലവിലെ കണക്കുകൾ പ്രകാരം 550 ദശലക്ഷം ബാരൽ എണ്ണയാണ് ഇവിടെ നിന്ന് ഉൽപ്പാദിപ്പിക്കാനാകുക. നേരത്തെയുണ്ടായിരുന്ന 430 ദശലക്ഷം എന്ന കണക്കിനേക്കാൾ കൂടുതലാണിത്, പദ്ധതിയുടെ തുടക്കത്തിൽ വെറും 300 ദശലക്ഷം ബാരലായിരുന്നു കണക്കാക്കിയിരുന്നത്. കാനഡയിലെ ആദ്യത്തെ ആഴക്കടൽ എണ്ണ പദ്ധതിയായിരിക്കും ഇത്. കരയിൽ നിന്ന് 500 കിലോമീറ്റർ അകലെയായാണ് ഈ പദ്ധതി സ്ഥിതി ചെയ്യുന്നത് എന്നത് ഇതിന്റെ പ്രത്യേകതയാണ്. ലോകത്തിലെ തന്നെ ഏറ്റവും ദൂരെയുള്ള എണ്ണ പദ്ധതികളിലൊന്നാണിത്.
ഈ പദ്ധതി യാഥാർഥ്യമായാൽ ആദ്യ 25 വർഷത്തിനുള്ളിൽ ഏകദേശം 6.4 ബില്യൺ ഡോളർ റോയൽറ്റിയായും നികുതിയായും ന്യൂഫൗണ്ട്ലാൻഡ് ആൻഡ് ലാബ്രഡോർ പ്രവിശ്യയ്ക്ക് ലഭിക്കും. പദ്ധതിയുടെ പ്രവർത്തനച്ചെലവ് ഏകദേശം 30 ശതമാനത്തോളം കുറയ്ക്കാൻ കമ്പനി ഇതിനകം നടപടികൾ സ്വീകരിച്ചിട്ടുണ്ട്. ഏകദേശം 14 ബില്യൺ ഡോളറാണ് പദ്ധതിയുടെ മൊത്തം ചെലവായി കണക്കാക്കുന്നത്. അന്തിമ അനുമതി ലഭിച്ചാൽ 2031-ഓടെ ആദ്യ ഘട്ട എണ്ണ ഉൽപ്പാദനം ആരംഭിക്കാൻ സാധിക്കുമെന്നാണ് ഇക്വിനോർ പ്രതീക്ഷിക്കുന്നത്. ആഗോളതലത്തിൽ എണ്ണയ്ക്കും പ്രകൃതിവാതകത്തിനുമുള്ള ആവശ്യം വരും വർഷങ്ങളിലും വർധിക്കുമെന്നും ഈ സാഹചര്യത്തിൽ ബേ ഡു നോർഡ് പദ്ധതി കമ്പനിയുടെ വളർച്ചയിൽ നിർണായക പങ്ക് വഹിക്കുമെന്നും ഇക്വിനോർ സിഇഒ ആൻഡേഴ്സ് ഓപെഡൽ വ്യക്തമാക്കി.
Final decision on Bay du Nord set for early 2027 as estimated oil reserves grow
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
