കന്സാസ് സിറ്റി: 2026 ഫിഫ ലോകകപ്പിൽ അർജന്റീനയോട് 3-0 ന് പരാജയപ്പെട്ടതിന് പിന്നാലെ, മത്സരത്തിലെ മോശം റഫറിയിങ് ചൂണ്ടിക്കാട്ടി അൽജീരിയ ഫിഫയുടെ റഫറിയിങ് കമ്മീഷന് ഔദ്യോഗികമായി പരാതി നൽകി. പോളിഷ് റഫറി സൈമൺ മാർസിനിയാക്കിന്റെ നേതൃത്വത്തിലുള്ള പാനലിനെതിരെയാണ് അൽജീരിയൻ ഫുട്ബോൾ ഫെഡറേഷൻ (FAF) കത്തെഴുതിയത്. മത്സരത്തിൽ അർജന്റീന ക്യാപ്റ്റൻ ലയണൽ മെസി ചുവപ്പ് കാർഡ് അർഹിച്ചിരുന്നുവെന്നും എന്നാൽ റഫറിയോ VAR ഇതിൽ ഇടപെട്ടില്ലെന്നുമാണ് പരാതിയിലെ പ്രധാന ആക്ഷേപം.
കാൻസാസ് സിറ്റി സ്റ്റേഡിയത്തിൽ നടന്ന ഗ്രൂപ്പ് ജെ മത്സരത്തിന്റെ ഒന്നാം പകുതിയിൽ (32-ാം മിനിറ്റിൽ) മെസിയുടെ ബൂട്ട് അൽജീരിയൻ ക്യാപ്റ്റൻ ഐസ മാൻഡിയുടെ കാലിൽ തട്ടിയതാണ് വിവാദങ്ങൾക്ക് വഴിവെച്ചത്. പിന്നിൽ നിന്ന് ഉയർന്ന ബൂട്ടുമായി വന്ന മെസിക്ക് ചുവപ്പ് കാർഡ് നൽകേണ്ടതായിരുന്നു എന്ന് അൽജീരിയ വാദിക്കുന്നു. ഈ സംഭവത്തിൽ ശിക്ഷാനടപടികളിൽ നിന്ന് ഒഴിഞ്ഞുമാറിയ മെസി, പിന്നീട് മത്സരത്തിൽ തകർപ്പൻ ഹാട്രിക് നേടിക്കൊണ്ടാണ് അർജന്റീനയ്ക്ക് ജയം സമ്മാനിച്ചത്. ഇതോടെ ലോകകപ്പിൽ ഏറ്റവും കൂടുതൽ ഗോൾ നേടുന്ന താരമെന്ന മിറോസ്ലാവ് ക്ലോസെയുടെ (16 ഗോളുകൾ) റെക്കോർഡിനൊപ്പം മെസി എത്തുകയും ചെയ്തു.
മെസിയുടെ ഫൗൾ കൂടാതെ രണ്ടാം പകുതിയിൽ അർജന്റീന മിഡ്ഫീൽഡർ അലക്സിസ് മാക് അലിസ്റ്റർ, അൽജീരിയയുടെ ഇബ്രാഹിം മാസയെ കൈമുട്ട് കൊണ്ട് ഇടിച്ച സംഭവത്തിലും റഫറി നടപടിയെടുത്തില്ലെന്ന് പരാതിയിൽ വ്യക്തമാക്കുന്നുണ്ട്. ദക്ഷിണാഫ്രിക്കൻ പരിശീലകൻ ഹ്യൂഗോ ബ്രൂസ് ഉൾപ്പെടെയുള്ളവർ ഈ തീരുമാനങ്ങളിലെ അപാകത ചൂണ്ടിക്കാട്ടി രംഗത്തെത്തിയിട്ടുണ്ട്. മെസിയെപ്പോലെയുള്ള വലിയ താരങ്ങൾക്ക് റഫറിമാർ പ്രത്യേക പരിഗണന നൽകുന്നുണ്ടോ എന്ന തരത്തിലുള്ള ചർച്ചകൾ സോഷ്യൽ മീഡിയയിലും സജീവമാണ്.
3-0 defeat to Argentina in the 2026 FIFA World Cup, Algeria officially filed a complaint
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
